The news is by your side.

Advertisement

فٹنس مسائل سے دوچار نہیں، ٹیم میں جلد کم بیک کروں گا، محمد عرفان

لاہور : قومی کرکٹ ٹیم کے فاسٹ بالر محمد عرفان نے کہا ہے کہ لمبے قد کی وجہ سے فٹنس کا کوئی مسئلہ نہیں، کوشش یہی ہے کہ جو خامیاں ہیں انہیں دور کروں، ٹیم میں جلد کم بیک کروں گا۔

ان خیالات کا اظہار انہوں نے نمائندہ اے آر وائی نیوز سے خصوصی گفتگو کرتے ہوئے کیا، دنیائے کرکٹ کے طویل و القامت فاسٹ بولر محمد عرفان کا کہنا تھا کہ وہ خراب پرفارمنس کی وجہ سے پاکستان ٹیم سے ڈراپ نہیں ہوئے ہیں، ڈومیسٹک کرکٹ کھیلنے کے علاوہ پی ایس ایل اور سی پی ایل کی پرفارمنس گرین ٹیم کا حصہ بننے میں فائدہ مند ثابت ہوگی۔

اے آر وائی نیوز سے گفتگو میں محمد عرفان نے کہا کہ اگر طویل القامت ہونے کی وجہ سے میرے گرنے یا جھکنے سے فٹ یا ان فٹ کا فیصلہ کوئی کرتا ہے تو درست نہیں ہوگا۔

میرا مقابلہ کسی سے نہیں دنیا میں واحد بولر ہوں جس کا قد سات فٹ دو انچ ہے، کوشش یہی ہے کہ جو خامیاں ہیں انہیں دور کروں، میں اپنے قد کا فائدہ اٹھاتے ہوئے باؤنسر مار سکتا ہوں۔

واضح رہے کہ فاسٹ بولر محمد عرفان کو اس بات کی خوشی ہے کہ پاکستان میں انٹرنیشنل کرکٹ کی واپسی ہوئی ہے لیکن دکھ اس بات کا ہے کہ وہ سری لنکا کیخلاف ون ڈے یا ٹی ٹوئنٹی سیریز نہیں کھیل سکے، وہ دعاگو ہیں کہ مستقبل میں ٹیسٹ کرکٹ بھی پاکستان میں شروع ہوجائے۔

دریں اثناء فٹنس کے حوالے سے کیے جانے والے سوال پر محمد عرفان نے کہا کہ ابتدائی مرحلے میں وہ فٹنس مسائل سے دوچار رہ چکے ہیں لیکن امریکا کے باسکٹ بال کھلاڑی سے ملنے والی ٹریننگ اب تک فائدہ پہنچا رہی ہے جس کی وجہ سے وہ خود کو کافی بہتر محسوس کرتے ہیں۔

ڈائٹ پلان کے حوالے سے انہوں نے بتایا کہ دوسروں کے برعکس میں زیادہ کھانا کھاتا ہوں کیونکہ بلند قامت ہونے کی وجہ سے بھوک زیادہ لگتی ہے۔

ایک سوال کے جواب میں فاسٹ بالر نے بتایا کہ پروٹین اور کیلشیئم کا لیول برقرار رکھنے کیلئے دن بھر میں چار  کلو دودھ پیتا ہوں، ہر دو گھنٹے بعد پھل بھی کھاتاہوں۔

Comments

comments

یہ بھی پڑھیں