The news is by your side.

Advertisement

پی آئی اے کا بزنس پلان آئندہ 3 ہفتے میں پیش کردیا جائے گا ‘ محمد میاں سومرو

کراچی : وفاقی وزیربرائے شہری ہوابازی محمد میاں سومرو کا کہنا ہے کہ غیرملکی ایئر لائنز کے لیے وضع کردہ قوانین میں نرمی کی جا رہی ہے۔

تفصیلات کے مطابق کراچی میں میڈیا سے گفتگو کرتے ہوئے وفاقی وزیربرائے شہری ہوا بازی محمد میاں سومرو نے کہا کہ نئی ایوی ایشن پالیسی تیارہے۔

انہوں نے کہا کہ پالیسی منظوری کے لیے کابینہ کو پیش کی جائے گی، نئی پالیسی کوتمام اسٹیک ہولڈرز کی مشاورت سے تیارکیا گیا۔

میاں محمد سومرو نے کہا کہ ایوی ایشن پالیسی سے توقع ہے شہری ہوا بازی کا شعبہ ترقی کرے گا، پی آئی اے کا بزنس پلان آئندہ 3 ہفتے میں پیش کردیا جائے گا۔

وفاقی وزیربرائے شہری ہوا بازی نے کہا کہ غیرملکی ایئرلائنزکے لیے وضع کردہ قوانین میں نرمی کی جا رہی ہے۔

میاں محمد سومرو نے کہا کہ جوڑتوڑکا عمل ہمیشہ جاری رہتا ہے، سندھ میں حکومت کی تبدیلی کے کئی طریقے ہیں۔

وزیراعظم عمران خان کا قومی ایئرلائن کی بہتری کیلئے اقدامات پر اطمینان کا اظہار

یاد رہے کہ تین روز قبل وزیراعظم عمران خان سے چیئرمین پی آئی اے ایئرمارشل ارشد محمود ملک نے ملاقات کی تھی جس میں انہوں نے ایئرلائن معاملات پر وزیراعظم کو بریفنگ دی تھی۔

وزیراعظم عمران خان نے ایئرمارشل ارشدمحمودملک سے ملاقات میں قومی ایئرلائن کی بہتری کے لئے کئےگئے اقدامات پر اطمینان کا اظہار کیا تھا

Comments

comments

یہ بھی پڑھیں