لاہور: قومی کرکٹ کے وکٹ کیپر بیٹر محمد رضوان کا کہنا ہے کہ مجھےکسی کیپر سے کوئی خطرہ نہیں، میری خواہش ہےکہ ایک کی جگہ پانچ کیپر ہونے چاہئیں۔
تفصیلات کے مطابق قومی کرکٹ ٹیم کے تربیتی کیمپ کے بعد میڈیا سے گفتگو کرتے ہوئے محمد رضوان نے ابھرتے وکٹ کیپر حارث کی ٹیم میں شمولیت سے متعلق پوچھے گئے سوال کے جواب میں کہا کہ مجھےکسی کیپر سےکوئی پرواہ نہیں، میری خواہش ہےکہ ایک کی جگہ پانچ کیپر ہونےچاہئیں، وکٹ کیپر ایسا ہو جو پاکستانی ٹیم کے معیار پر پورا اترسکے۔
وکٹ کیپر بیٹر نے کہا کہ جہاں تک حارث کی بات ہے وہ تگڑا کیپر ہے، حارث کی نیت ٹیم کو اوپرلےجانےکی ہے اور اس کے ساتھ عوام کی محبت بھی ہے،کرکٹ میں ہم بھی ایک فیملی کی طرح ہیں، نیچےتو ہم سب ایک دوسرے کیساتھ کھیلنےکو تیار ہیں، اوپر کےمسائل کا ہمیں پتا نہیں ہے۔
ٹیم کی مجموعی کارکردگی کو تسلی بخش قرار دیتے ہوئے وکٹ کیپر بیٹر نے کہا کہ ہمارا ٹاپ آرڈر سنچریوں کی بمبار کررہا ہے جبکہ ون ڈے میں مڈل آرڈر کے40رنز کے بعد موقع ملتا ہے یہی وجہ ہے کہ ون ڈے میچز میں ہمارے رزلٹ اچھے آرہےہیں۔
قومی ٹیم کے بولنگ کو مضبوط قرار دیتے ہوئے محمد رضوان کا کہنا تھا کہ پاکستان کی باؤلنگ ہائی اسٹینڈرڈ ہے، ملتان میں سخت گرمی ہے تاہم امید ہے کہ بولرز عمدہ کارکردگی کا مظاہرہ کرینگے۔
