تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

’مجھے پیار ہوا تھا‘ سلمیٰ حسن نے ’شیرنی‘ کی طرح کردار نبھایا‘

شوبز انڈسٹری کے سینئر اداکار روبینہ اشرف، عتیقہ اوڈھو اور فیصل قریشی بھی ’مجھے پیار ہوا تھا‘ میں ہانیہ عامر (ماہیر) کی والدہ (رفیعہ)کا کردار نبھانے والی اداکارہ سلمیٰ حسن کی اداکاری کے مداح ہوگئے۔

نجی ٹی وی کے شو میں فیصل قریشی، روبینہ اشرف اور عتیقہ اوڈھو نے شرکت کی جس میں ان کے سلمیٰ حسن کی اداکاری سے متعلق پوچھا گیا اور ان کی اداکاری کو ریٹنگ دینے کا بھی کہا گیا۔

سینئر اداکارہ عتیقہ اوڈھو نے کہا کہ سلمیٰ حسن نے شیرنی کی طرح کا کردار کیا ہے ویسے دوسرے کرداروں میں وہ ہمیشہ دھیمی رہتی ہیں لیکن یہ کردار بہت اچھا ادا کیا ہے، انہوں نے سلمیٰ حسن کی اداکاری کو 8 ریٹنگ دی۔

فیصل قریشی نے کہا کہ ’شہود علوی نے بہت اچھا کردار نبھایا ہے لیکن سلمیٰ حسن جس طرح اداکاری کررہی ہیں وہ نظر آرہا ہے ایک اکیلی عورت ہے جو پانچ لوگوں کے سامنے کھڑی ہونے والی ہے، انہوں نے ان کی اداکاری کو سات نمبرز دیے۔‘

روبینہ اشرف نے کہا کہ سلمیٰ حسن بہت اچھا کردار ادا کررہی ہے وہ سین جس میں رشتہ آتا ہے بہت اچھا تھا۔

ڈرامہ سیریل ’مجھے پیار ہوا تھا‘ میں وہاج علی (سعد)، ہانیہ عامر (ماہی)، زاویار نعمان (گلوکار، اریب) مرکزی کردار نبھا رہے ہیں دیگر کاسٹ میں شہود علوی، جاوید شیخ، سبینا سید، رابعہ کلثوم، انجلین ملک، نور الحسن، سلمیٰ حسن ودیگر شامل ہیں۔

ڈرامے کے ہدایت کار بدر محمود ہیں جبکہ اس کی کہانی سدرہ سحر عمران نے لکھی ہے۔

’مجھے پیار ہوا تھا‘ میں کیا ہونے جارہا ہے؟ کیا ماہی اریب سے شادی کرکے خوش رہ سکیں گی؟ کیا سعد ماہی کو بھلا پائیں گے؟ یہ جاننے کے لیے اگلی قسط ہر پیر کی رات 8 بجے دیکھیں۔

Comments

- Advertisement -