site
stats
پاکستان

میاں صاحب کی حکومت کے دن گنے جا چکے ہیں، مولا بخش چانڈیو

کراچی : پیپلز پارٹی کے رہنما مولا بخش چانڈیو نے دعویٰ کیا ہے کہ چند پرانے وزیروں کے سوا باقی میاں صاحب کو چھوڑجائیں گے، نواز حکومت کے دن گنے جا چکے ہیں۔

تفصیلات کے مطابق کراچی پیپلز سیکریٹریٹ میں اے آروائی نیوز سے خصوصی گفتگو کرتے ہوئے مولا بخش چانڈیو نے کہا کہ چند پرانے وزیروں کے سوا باقی میاں صاحب کو چھوڑ کر چلے جائینگے۔

مولا بخش چانڈیو کا کہنا تھا کہ ایسے بھی وفاقی وزرا ہیں، جو وزیر اعظم کو پوچھتے تک نہیں، وزیر اعظم وفاقی وزرا کو منانے میں مصروف ہے، وزیر اعظم کے پاس مہمان وزیروں کی اکثریت ہے، جو آج ہے کل نہیں ہونگے۔


مزید پڑھیں : سندھ میں پیپلزپارٹی کبھی ختم نہیں ہوسکتی،مولابخش چانڈیو


پیپلپزپارٹی کے رہنما کا کہنا تھا کہ میاں صاحب کی حکومت کے دن گنے جا چکے ہیں۔

انھوں نے مزید کہا کہ تنظیم مکمل ہونے کے بعد بلاول بھٹو پورے ملک کا دورہ کرینگے، بلاول بھٹو میں بے نظیر بھٹو والا جلال نظر آتا ہے۔

چند روز قبل مولا بخش چانڈیو کا کہنا تھا کہ پیپلز پارٹی کو ختم ہوتا دیکھنے والے احمقوں کی جنت میں رہتے ہیں حال ہی میں ہونے والے بلدیاتی انتخابات میں پیپلز پارٹی نے بڑے پیمانے پراورملک گیر فتح حاصل کی تھی اور پاکستان پیپلز پارٹی واحد جماعت ہے جس کے نمائندے ملک کی ہراسمبلی میں موجود ہیں۔


مزید پڑھیں :  حکومت اپوزیشن کو سڑکوں پر آنے پرمجبورنہ کرے، مولابخش چانڈیو


انکا کہنا تھا کہ حکومت اپوزیشن کو سڑکوں پر آنے پر مجبور نہ کرے اگر اپوزیشن سڑکوں پرآگئی توحکومت ایک جھٹکا بھی برداشت نہیں کرسکے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top