The news is by your side.

Advertisement

میری زندگی سے متعلق پھیلائی گئی خبریں جھوٹی ہیں، ملا برادر

کابل : افغانستان کے نائب وزیراعظم ملا عبدالغنی برادر نے کہا ہے کہ میری صحت اور زندگی سے متعلق تمام افواہیں من گھڑت ہیں، زخمی ہوا ہوں اور نہ ہی اسلامی امارات سے کوئی اختلاف ہے۔

تفصیلات کے مطابق بھارتی میڈیا کی جانب سے پھیلائی جانے والی من گھڑت خبروں کا بھانڈا پھوٹ گیا، افغانستان کے نائب وزیراعظم ملا عبدالغنی برادر نے ویڈیو بیان جاری کرکے بھارتی جھوٹ بے نقاب کردیا۔

ملا برادر کا نیا ویڈیو پیغام سامنے آگیا جس میں انہوں نے بتایا کہ میری صحت، زندگی سے متعلق افواہیں من گھڑت ہیں، زخمی ہوا ہوں اور نہ اسلامی امارات سے کوئی اختلاف ہے۔

انہوں نے کہا کہ افغان طالبان کی صفوں اور قیادت میں گہرا اتفاق اور محبت کا رشتہ قائم ہے ہم اقتدار اور منصب کے لالچی لوگ نہیں۔ افغان نائب وزیراعظم کا کہنا تھا کہ قطر کے وزیر خارجہ کے دورے کے دوران میں سفر میں تھا، سفر میں ہونے کے سبب ملاقات میں شرکت نہ کرسکا۔

ملاعبدالغنی برادر کا مزید کہنا تھا کہ قطری وزیر خارجہ کا دورہ اچانک تھا، علم ہوتا تو ملاقات میں ضرور شرکت کرتا۔

Comments

یہ بھی پڑھیں