The news is by your side.

Advertisement

تربت میں ملاعمر نامی دہشتگرد مقابلے میں مارا گیا

بلوچستان کے علاقے تربت کے قریب ایف سی سے فائرنگ کے تبادلے میں اہم دہشتگرد ہلاک ہو گیا۔

ذرائع کے مطابق سیٹلائٹ ٹاؤن میں ایف سی اہلکاروں اور مطلوب دہشتگرد ملا عمر کے درمیان فائرنگ کا تبادلہ ہوا جس میں اہلکاروں کی فائرنگ سے دہشتگرد ہلاک ہوگیا۔

ذرائع کا کہنا ہے کہ ہلاک دہشت گرد ملاعمر ایران کو بھی انتہائی مطلوب تھا اور دہشتگردی کی متعدد کارروائیوں میں ملوث تھا۔

واقعے کے بعد دہشتگرد کے ساتھیوں کی تلاش شروع کر دی گئی ہے، علاقے کا محاصرہ کرکے سرچنگ کا عمل شروع کر دیا گیا ہے اور اطراف کے علاقوں میں اضافی نفری تعینات کر دی گئی ہے۔

واضح رہے کہ 17 اکتوبر کو تربت کے قریب دہشت گردوں کی سیکیورٹی فورسز پر فائرنگ سے لانس نائیک شہید اور 3 سیکیورٹی اہلکار زخمی ہوگئے تھے۔

Comments

یہ بھی پڑھیں