The news is by your side.

Advertisement

شوہر نے غیرت کے نام پر بیوی اور بیٹی سمیت تین افراد کو قتل کر دیا

ملتان : غیرت کے نام پر شوہر نے بیوی اور بیٹی سمیت ایک شخص کو قتل کردیا، پولیس نے ملزم کو گرفتار کر کے آلہ قتل برآمد کرلیا۔

تفصیلات کے مطابق ملتان کے تھانہ مظفر آباد کے علاقے میں ہونے والے تہرے قتل کا واقعہ پیش آیا ہے، غیرت کے نام پر شوہر نے اپنی بیوی اور بیٹی سمیت ایک شخص کو قتل کردیا۔

پولیس نے فوری کارروائی کرتے ہوئے ملزم کو گرفتار کرلیا۔ تھانہ مظفر آباد کے علاقے پرانا شجاع آباد روڈ میں غلام یسین نامی شخص نے غیرت کے نام پر اپنی بیوی، 10 ماہ کی بیٹی اور ایک شخص کو کلہاڑے کے وار سے قتل کیا اور موقع سے فرار ہوگیا۔

واقعے کے بعد پولیس نے فوری کاروائی کرتے ہوئے ٹیمیں تشکیل دیں اور چند ہی گھنٹوں میں قتل میں ملوث مرکزی ملزم کو گرفتار کرلیا گیا۔

تہرے قتل کا مقدمہ ایک نامزد اور دو نامعلوم افراد کیخلاف درج کیا گیا، پولیس کا کہنا ہے کہ گرفتار مرکزی ملزم سے تفتیش کی جارہی ہے جلد ہی دیگر دو ملزمان کو بھی گرفتار کرلیا جائے گا۔

اس حوالے سے سی پی او ملتان زبیر دریشک نے میڈیا کو بتایا کہ ملزم سے آلہ قتل بھی برامد کرلیا گیا ہے،مزید تفتیش جاری ہے۔

Comments

یہ بھی پڑھیں