ملتان : رشتے سے انکار پر نوجوان نے گھر میں سوئی ہوئی لڑکی پر تیزاب پھینک دیا، متاثرہ لڑکی کو ہسپتال منتقل کر دیا گیا۔
تفصیلات کے مطابق سیداں والی کھوئی میں اوباش نوجوان عبدالجبار نے رشتے سے انکار پر گھر میں سوئی ہوئی 20 سالہ لڑکی نادیہ پر تیزاب پھینک دیا، واقع کے بعد لڑکی کو تشویش ناک حالت میں نشتر اسپتال منتقل کیا گیا، جہاں ڈاکٹرز کے مطابق لڑکی کا جسم 20 سے 25 فیصد جھلس چکا ہے تاہم حالت خطرے سے باہر ہے۔
دوسری جانب تھانہ گلگشت کی پولیس نے تیزاب گردی کے کیس کا مقدمہ درج کر کے ملزم عبدلجبار کو گرفتار کرلیا ہے۔
لڑکی کے لواحقین نے وزیر اعلیٰ پنجاب سے واقع کا نوٹس لینے اور متاثرہ فیملی کو انصاف فراہم کرنے کا مطالبہ کیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں