بھونگ: وزیراعظم کے معاونِ خصوصی نے پنجاب کے ضلع رحیم یار خان کے علاقے صادق آباد میں مندر پر ہونے والے حملے میں ملوث افراد کے خلاف کارروائی کرنے کا اعلان کردیا۔
اے آر وائی نیوز کے مطابق پنجاب کے علاقے صادق آباد کے نواحی شہر بھونگ میں دو گروپوں کے درمیان ہونے والا جھگڑا مذہبی رنگ اختیار کرگیا، جس کے بعد مشتعل افراد نے علاقے میں قائم قدیم مندر پر حملہ کیا اور اُسے نذر آتش کردیا۔
پولیس حکام کے مطابق جھگڑےکے باعث ایم فائیو موٹر وے کو بھی بندکردیا گیا جبکہ امن و امان کو قابو کرنے کے لیے مختلف تھانوں کی نفری اور رینجرز کو جائے وقوعہ بھیج دیا گیا ہے۔
وزیراعظم کے معاونِ خصوصی برائے مذہبی ہم آہنگی علامہ طاہر اشرفی نے واقعے کے حوالے سے سماجی رابطے کی ویب سائٹ ٹویٹر پر بیان جاری کیا۔
It is very sad & unfortunate incident. PM office took notice of this untoward incident & directed district administration to probe the case & take strict action against the culprits.Pakistani constitution provides freedom & protection to minorities to perform their worship freely https://t.co/RuLOe69VSb
— Dr. Shahbaz GiLL (@SHABAZGIL) August 4, 2021
انہوں نے بتایا کہ رحيم يارخان انتظاميہ سے بات ہوئی ہے،فتنہ فساد پھيلانےوالوں كو کسی صورت معاف نہیں كيا جائےگا،بھونگ شہر میں ہونے والے حملے کی تحقیقات جاری ہیں، مندرپرحملہ كرنے والے جلد قانون كے شكنجے ميں ہوں گے۔
علاوہ ازیں وزیراعظم کے معاونِ خصوصی برائے سیاسی روابط شہباز گل نے سماجی رابطے کی ویب سائٹ پر شیئر ہونے والی ویڈیو کو ری ٹویٹ کرتے ہوئے لکھا کہ ’وزیراعظم کے دفتر نے اس واقعے کا نوٹس لے کر ضلعی انتظامیہ کو معاملے کی تفتیش اور ملزمان کے خلاف سخت کارروائی کی ہدایت کی ہے۔‘
صادق اباد مندر پر حمله قابل مذمت اور قابل افسوس هے مجرم گرفتار هون گے اقليتون كا هر سطح پر تحفظ كرين گے pic.twitter.com/MUUGzHaOFQ
— TahirMahmoodAshrafi حافظ محمد طاهراشرفى (@TahirAshrafi) August 4, 2021
