The news is by your side.

Advertisement

ملتان : مسافرکی بس ہوسٹس سے بدتمیزی اور دھمکیوں کی ویڈیو وائرل

مسافر خود کوسرکاری اہلکارکہہ کر بس ہوسٹس کو دھمکاتارہا، موٹروے پولیس نے اسے بس سے اتار دیا

ملتان : بس ہوسٹس کے ساتھ مسافر کی بدتمیزی کی ویڈیو سوشل میڈیا پر وائرل ہوگئی، مسافر خود کوسرکاری اہلکارکہہ کر بس ہوسٹس کو دھمکاتارہا دیگر مسافروں کے بیچ بچاؤ کے باوجود مسافرکی اکڑ نہ گئی۔

تفصیلات کے مطابق اسلام آباد سے لاہور جانے والی مسافر بس کی ایئر ہوسٹس کو دھمکانا مسافر کو مہنگا پڑگیا،ملتان سے اے آر وائی نیوز کے نمائندے طاہر خان کے مطابق محض پانی دیر سے دینے پر مسافر نے بس ہوسٹس پر شدید غصے کا اظہار  کیا۔

مذکورہ مسافر نے  خاتون سے بد تمیزی کی اور بس سے باہر پھینکنے کی دھمکیاں دیں جس پر بس ہوسٹس آبدیدہ ہوگئی، بس میں موجود دیگر مسافروں نے سمجھانے کوشش کی تاہم مسافر اپنی روش سے باز ںہ آیا اور خود کو سرکاری افسر ظاہر کرکے سنگین نتائج کی دھمکیاں دیتا رہا۔

بعد ازاں مسافروں نے موٹر وے پولیس کو کال کر کے بلا لیا، اور اس کی شکایت درج کراتے ہوئے کہا کہ اس کے ساتھ سفر نہیں کرسکتے جس پر مذکورہ مسافر کو بس سے اتار دیا گیا۔

Comments

comments

یہ بھی پڑھیں