The news is by your side.

Advertisement

“پسند کی شادی کرنے والا نئی نویلی دلہن کے ہاتھوں قتل” ملزمہ گرفتار

ملتان : پسند کی شادی کرنے والا مبینہ طور پر اپنی ہی بیوی کے ہاتھوں قتل ہوگیا، پولیس نے مقتول کی بیوی کو اس کے ساتھیوں سمیت گرفتار کر کے مقدمہ درج کرلیا۔

تفصیلات کے مطابق ملتان کے علاقے شجاع آباد میں شادی کے صرف تین ماہ بعد ہی نوبیاہتا بیوی نے اپنے شوہر کو مبینہ طور پر موت کے گھاٹ اتار دیا۔

اس حوالے سے پولیس کا کہنا ہے کہ شجاع آباد کی بستی خیرپور میں پسند کی شادی کرنے والے کو اس کی بیوی نے قتل کردیا،3ماہ پہلے علی رضا نے سلمیٰ نامی خاتون سے پسند کی شادی کی تھی۔

پولیس کے مطابق ملزمہ نے مبینہ طور پر ساتھیوں کی مدد سے شوہر کو گلا گھونٹ کر قتل کیا، پولیس نے شوہر کو مبینہ طور پر قتل کرنے والی بیوی کو گرفتار کرلیا اور مقدمہ درج کرکے مزید تفتیش کا آغاز کردیا ہے۔

واضح رہے کہ دو روز قبل کراچی کے علاقے گلشن معمار میں پسند کی شادی کرنے والے شخص سراج کو لڑکی کے رشتے داروں نے قتل کردیا، قتل کے بعد ملزمان نے مقتول کی بیوی شیربانو کو اغوا کی کوشش کی جنہیں پولیس نے فوری کارروائی کرتے ہوئے مقابلے کے بعد زخمی حالت میں گرفتار کرلیا،

پولیس کے مطابق فائرنگ کے تبادلے میں دو ملزمان سیف اللہ اور ظہور زخمی حالت میں گرفتار کرلیے گئے ہیں جبکہ مغوی خاتون کو بھی بحفاظت بازیاب کرا لیا گیا۔ ملزمان شیر بانو کے چچا زاد بھائی ہیں۔

Comments

یہ بھی پڑھیں