ملتان: الیکشن ٹریبونل نے این اے ایک سو چون کا انتخاب کالعدم قرار دیتے ہوئے ری پولنگ کا حکم دیدیا۔
تفصیلات کے مطابق الیکشن ٹریبونل نے تحریک انصاف کے حق میں فیصلہ سنا دیا اور این اے ایک سو چون کا انتخاب کالعدم قرار دے کر ری پولنگ کا حکم دیدیا ہے، کیس کا فیصلہ جسٹس ریٹائرڈ رانا زاہد محمود نے سنایا۔
الیکشن ٹربیونل نے این اے 154میں دھاندلی کے حوالے سے پاکستان تحریک انصاف کے سابق سیکریٹری جنرل جہانگیر ترین کی درخواست پر آج فیصلہ سنایا گیا۔
لودھراں کے حلقے این اے 154 میں آزاد امیدوار صدیق خان بلوچ 86046 ووٹ لے کر کامیاب ہوئے بعد میں انہوں نے مسلم لیگ ن میں شمولیت اختیار کرلی۔
اس حلقے میں جہانگیر ترین کی آزاد امیدوار سے شکست کے بعد تحریک انصاف نے دعویٰ کیا تھا کہ حلقے میں حکومت نے دھاندلی کی تھی، جس کے بعد کیس الیکشن ٹربیونل میں چلا گیا۔
الیکشن ٹربیونل نے دونوں فریقین کے وکلا کے دلائل مکمل ہونے کے بعد 20 اگست کو پٹیشن پر اپنا فیصلہ محفوظ کر لیا تھا۔
یاد رہے کہ دو ہزار تیرہ کے انتخابات میں دھاندلی کا الزام لگا کر عمران خان نے چار حلقوں کے کھولنے کا مطالبہ کیا تھا، جن میں سے دو حلقوں این اے ایک سو پچیس اور ایک سو بائیس کا فیصلہ پی ٹی آئی کے حق میں آچُکا ہے، آج تیسرے حلقے این اے ایک سو چون کا فیصلہ آنے والا ہے، جو دونوں ہی بڑی جماعتوں کیلئے اہم ہے۔
تاہم این اے ایک سو بائیس کے بعد کپتان نے دھاندلی کرنے والے انتخابی عملے کے خلاف دوہفتے میں کارروائی نہ کرنے پر ایک بار پھر الیکشن کمیشن کے باہر دھرنے کی دھمکی دیدی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کامیابی پر پی ٹی آئی کارکنان کے بھنگڑے، مٹھائیاں تقسیم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الیکشن ٹریبیونل کی جانب سے این اے 154 کے فیصلے کہ بعد تحریک انصاف کے کارکنان سڑکوں پر نکل آئے خوشی میں مٹھائیاں تقسیم کی گئیں اور بھنگڑے ڈالے۔
پی ٹی آئی کے ٹائیگرز نے سکھر پریس کلب اور گھنٹہ گھر چوک پر خوشی میں مٹھائیاں تقسیم کیں اور ڈھول کی تھاپ پر بھنگڑے ڈالے۔
اس موقع پر کارکنان کا کہنا تھا کہ آج خان صاحب نے اپنی پہلی سیاسی ہیٹرک مکمل کی ہے اور انہیں امید ہے کہ یہ چار حلقوں کی سیریز جو اس وقت ہم تین صفر سے لیڈ کر رہے ہیں ہم ہی جیتیں گے۔
کارکنان کا کہنا تھا کہ اس فیصلے کہ بعد حکومران حکومت کرنے کا اخلاقی جواز کھو بیٹھی ہیں نوٹ فوٹیج ڈی ایس این جی سی اپلوڈ کی گئی ہے۔
