The news is by your side.

Advertisement

ملتان پولیس کی بروقت کارروائی، اغوا کے 4 گھنٹے بعد بچہ بازیاب

ملتان : پولیس نے بروقت کارروائی کرکے اغوا کے 4 گھنٹے بعد بچہ بازیاب کرالیا، تاوان کی رقم سمیت 2 ملزمان کو گرفتار کرکے اسلحہ برآمد کر لیا۔

  تفصیلات کے مطابق فیصل کالونی پیراں غائب روڈ کا رہائشی 4 سالہ ایان علی گھر کے باہر کھیلتے ہوئے غائب ہو گیا۔

بچے کے والد نے مقامی پولیس کو اطلاع دی کہ بچے کی بازیابی کے لیئے 2 لاکھ روپے کا تاوان طلب کیا گیا ہے جس پر ایس ایس پی آپریشنز نے ایس پی گلگشت کی زیر نگرانی ایس ایچ او تھانہ نیو ملتان جمشید اکرام ایس ایچ او سیتل ماڑی خالد حسین اور ہومی سائیڈ سیل پر مبنی خصوصی ٹیم تشکیل دی۔

پولیس ٹیم نے جدید خطوط پر تحقیات کرتے ہوئے 4 گھنٹے کے بعد 4 سالہ ایان علی کو بازیاب کروالیا۔ جبکہ 2 اغوا کاروں کو تاوان کی رقم اور اسلحہ سمیت گرفتار کر لیا ۔ پولیس کے مطابق ایک اغوا کار اسد مغوی بچے کا چچازاد بھائی ہے۔

Comments

comments

یہ بھی پڑھیں