The news is by your side.

Advertisement

ملتان پولیس ٹریننگ کالج میں58ویں بیج کی پاسنگ آؤٹ پریڈ کی شاندار تقریب

ملتان : پولیس ٹریننگ کالج میں اٹھاون ویں بیج کی پاسنگ آؤٹ پریڈ کا انعقاد کیا گیا جس میں ایک ہزار اڑتالیس جوانوں نے حصہ لیا یہ جوان سی پیک منصوبے پر کام کرنے والے غیر ملکیوں کی حفاظت پر مامور ہوں گے۔

تفصیلات کے مطابق پولیس ٹریننگ کالج میں58 ویں بیج کی پاسنگ آؤٹ پریڈ کا انعقاد کیا گیا جس میں پنجاب کے مختلف اضلاع سے ایک ہزار اڑتالیس جوان شریک ہوئے۔

تقریب کے مہمانِ خصوصی ایڈیشنل آئی جی پولیس ٹریننگ پنجاب طارق مسعود تھے، تقریب سے خطاب کرتے ہوئے ان کا کہنا تھا کہ مجھے امید ہے کہ جدید سسٹم کے تحت تربیت مکمل کرنے والے فیلڈ میں جا کر بہترین کام کریں گے۔

اے آر وائی نیوز کے نمائندے مرزا احمد علی کی رپوٹ کے مطابق اس موقع پر چھ ماہ کا اسپیشل پروٹیکشن یونٹ کا کورس مکمل کرنے والے جوانوں نے پریڈ کے دوران مارشل آرٹ، ویپن ہینڈلنگ سمی دہشت گردوں کے حملے سے نمٹنے کا عملی مظاہرہ کیا۔

تربیت حاصل کرنے والے پرعزم جبکہ اساتذہ مطمئن دکھائی دیئے، تقریب کے آخر میں مہمان خصوصی کی جانب سے نمایاں کارکردگی دکھانے والے جوانوں میں انعامات تقسیم کیے گئے۔

Comments

comments

یہ بھی پڑھیں