تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

رضوان نے ٹیم کو پہلی فتح دلوا دی

ملتان سلطانز نے پی ایس ایل سکس میں جیت کا کھاتا کھول لیا۔ کپتان محمد رضوان نے لاہور قلندرز کے خلاف شاندار بیٹنگ کرتے ہوئے ٹیم کو ایونٹ میں پہلی فتح دلوا دی۔

لاہور قلندرز کے 158 رنز کے جواب میں سلطانز کا آغاز اچھا نہ رہا، پہلے ہی اوور میں خطرناک بیٹسمین کرس لین شاہین شاہ آفریدی کی گیند پر بغیر کوئی رنز بنائے بولڈ ہوگئے۔

تیس کے مجموعے پر جیمز ونس بھی پویلین لوٹ گئے۔ ابتدائی نقصان کے بعد کپتان محمد رضوان اور صہیب مقصود نے ڈٹ کر مقابلہ کیا اور 110 رنز کی شراکت داری قائم کرکے ٹیم کے لیے فتح کی راہ ہموار کی۔

کپتان محمد رضوان نے جارحانہ بیٹنگ کرتے ہوئے 49 گیندوں پر 76 رنز بنائے جس میں 14 چوکے شامل تھے جب کہ صہیب مقصود نے ذمہ دارانہ بیٹنگ کرتے ہوئے 41 گیندوں پر 61 رنز کی ناقابل شکست اننگز کھیلی۔ انہوں نے 7 چوکے اور 2 چھکے لگائے۔

ملتان سلطانز نے مطلوبہ ہدف 3 وکٹوں کے نقصان پر حاصل کر لیا۔ شاہین آفریدی نے 2 اور سیمتھ پٹیل نے ایک وکٹ حاصل کی۔

 

اس سے قبل آل راؤنڈر محمد حفیظ کی ایک اور بہترین اننگز کی بدولت لاہور قلندرز نے ملتان سلطانز کو جیتنے کے لئے 158 رنز کا ہدف دیا ۔

نیشنل اسٹیڈیم کراچی میں ملتان سلطانز کے کپتان محمد رضوان نے ٹاس جیت کر لاہور قلندرز کو پہلے بیٹنگ کی دعوت دی، ملتان سلطانز نے 18 رنز کے مجموعے پر قلندرز کے دونوں اوپنرز کو چلتا کیا، کپتان سہیل اختر 7 رنز اور فخر زمان 9 رنز بناکر پویلین لوٹے۔

اس موقع پر جو ڈینلی اور تجربہ کار آل راؤنڈر محمد حفیظ کریز پر آئے، دونوں بلے بازوں نے جم کر ملتان سلطانز کے بولرز کی پٹائی کی میدان کےچاروں اطراف دلکش اسٹروک کھیلے، دونوں کھلاڑیوں نے تیسری وکٹ کی شراکت میں تیز رفتار 89 رنز بنائے، 106 کے مجموعے اسکور پر جوڈینلی 31 رنز بناکر کارلوس بریتھوٹ کا شکار بنے۔

ایک سو آٹھ کے مجموعی اسکور پر قلندرز کو ایک اور نقصان اٹھانا جب بین ڈنک 1 رنز بناکر عثمان قادر کا شکار بنے، 122 رنز کے مجموعے پر محمد حفیظ کی اننگز کا خاتمہ ہوا، حفیظ نے 35 گیندوں پر 61 رنز کی شاندار اننگز کھیلی، پروفیسر کی اس اننگز میں 5 چھکے اور 3 چوکے شامل تھے، اس کے علاوہ سمت پٹیل 26 بنائے۔

لاہور قلندرز نے مقررہ بیس اوورز میں 6 وکٹوں کے نقصان پر 157 رنز بنائے۔

ملتان سلطانز کی جانب سے کارلوس بریتھوٹ اور شاہنواز دھانی نے 2، دو وکٹیں حاصل کیں، عثمان قادر ایک وکٹ حاصل کرسکے، شاہد آفریدی ملتان سلطانز کی جانب سے مہنگے ترین بولر ثابت ہوئی، جہنوں نے اپنے 4 اوورز میں 41 رنز دئیے اور کوئی وکٹ نہ حاصل کرسکے۔

یہ بھی پڑھیں: پی سی بی کا تماشائیوں سے متعلق اہم فیصلہ

پی ایس ایل سکس میں ملتان اور کوئٹہ کی ٹیمیں اپنے پہلے دونوں میچز ہار گئیں تھیں، پشاور زلمی ایک میچ میں فاتح رہی جبکہ ایک میچ میں اسے شکست کا سامنا کرنا پڑا جبکہ لاہور قلندر کی ٹیم نے اپنے دونوں میچ جیتے ہیں۔

پی ایس ایل سکس میں اب تک تمام ٹیمیں دو دو میچز کھیل چکی ہیں، پوائنٹس ٹیبل پر لاہور قلندر کی ٹیم پہلے نمبر پر موجود ہے، اسلام آباد یونائیٹڈ دوسرے، پی ایس ایل فائیو کی فاتح کراچی کنگز تیسرے، پشاور زلمی چوتھے،ملتان سلطانز کی ٹیم پانچویں اور کوئٹہ گلیڈی ایٹرز کی ٹیم چھٹے نمبر پر موجود ہے۔

Comments

- Advertisement -