تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

افغانستان ، میچ کے دوران یکے بعد دیگرے بم دھماکے، 8 افراد ہلاک

کابل: افغانستان کے شہر جلال آباد میں کرکٹ میچ کے دوران ہونے والے یکے بعد دیگر بم دھماکوں کے نتیجے میں 8 افراد ہلاک اور 45 سے زائد زخمی ہوگئے۔

تفصیلات کے مطابق افغانستان میں جاری دہشت گردی رکنے کا نام نہیں لے رہی اور دہشت گرد باآسانی اپنی کارروائیوں میں مصروف ہیں، مشرقی شہر جلال آباد میں کرکٹ میچ کے دوران شرپسندوں نے اسٹیڈیم میں بیٹھے  تماشائیوں کو نشانہ بنایا۔

افغان صوبے ننگرہار کے گورنر کی جانب سے جاری اعلامیے کے مطابق جمعے کو جلال آباد کرکٹ اسٹیڈیم میں میچ جاری تھا کہ اچانک کرکٹ میں دھماکوں اور فائرنگ کی آوازیں سنائی دیں جس کے بعد فورسز نے ایکشن لیا۔

رمضان کپ ٹورنامنٹ دیکھنے والے شائقین کے درمیان بم یکے بعد دیگرے بم دھماکے ہوئے جس کے نتیجے میں متعدد کم از کم 8 افراد ہلاک جبکہ 40 سے زائد زخمی ہوئے۔

مزید پڑھیں: افغانستان: طالبان کے متعدد دہشت گرد حملے، 16 سیکیورٹی اہلکار جاں بحق

افغان صدر اشرف غنی نے حالیہ دہشت گردی کی سخت الفاظ میں مذمت کرتے ہوئے کہا ہے کہ ’دہشت گرد رمضان المبارک کے مقدس ماہ میں بھی ہمارے شہریوں کو نشانہ بنا رہے ہیں جو اس بات کی غمازی ہے کہ ایسے لوگوں کو کسی مذہب یا عقیدے سے کوئی تعلق نہیں بلکہ وہ انسانیت کے دشمن ہیں۔

دوسری جانب افٖغانستان میں طالبان کی نے ملک کے مختلف صوبوں میں متعدد حملے کیے جس کے نتیجے میں 16 افغان سیکیورٹی اہلکار ہلاک اور متعدد زخمی ہوگئے جبکہ جوابی کارروائی میں 37 عسکریت پسند بھی ہلاک ہوئے۔

دہشت گردوں نے افغانستان کے تین مخلتف صوبوں غزنی، قندھار، اور اروزگان کو نشان بنایا، صوبے غزنی کی پولیس کے نائب سربراہ رمضان علی موسینی کا واقعے سے متعلق کہنا تھا کہ ضلع اجرستان میں عسکریت پسندوں کے حملے میں 9 سکیورٹی اہلکار ہلاک اور سات شدید زخمی ہوئے جبکہ اجرستان میں ہونے والی ایک جھڑپ میں پچیس عسکریت پسند بھی مارے گئے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

- Advertisement -