بکنگھم : سفاک ماں نے اپنے نوزائیدہ بچے کو تڑپا تڑپا کر بے دردی سے قتل کردیا، ایسی تفصیلات سامنے آئیں کہ روح تک کانپ اٹھے۔
تفصیلات کے مطابق برطانیہ میں 19 سالہ سفاک ماں نے بربریت کی انتہاء کرتے ہوئے اپنے 38 دن کے بچے کی ہڈیاں توڑ کر اسے موت کے گھاٹ اتار ڈالا، پولیس نے ملزمہ کو گرفتار کرلیا۔
بڈلسڈن بکنگھم شائر کی 19 سالہ ایلی جیکبز نے رواں ماہ کے آغاز میں 5 ہفتے کی عمر کے بچے آرچی جیکبز پر بہیمانہ تشدد اور ضرورت سے زیادہ پیرا سیٹامول کی مقدار دے کر قتل کرنے کا اعتراف کیا ہے جس کے بعد اسے پانچ سال کے لیے جیل بھیج دیا گیا۔
غیرملکی خبر رساں ادارے کی رپورٹ کے مطابق ملزمہ ایلی جیکبز نے اپریل 2020 میں ایک بیٹے کو جنم دیا تھا جب وہ 16 سال کی تھی۔
ایلی جیکبز کا دوست جے مذکورہ بچے کی پیدائش سے قبل ہی ایلی کو چھوڑ کر چلا گیا تھا اور وہ اپنی والدہ سارہ جیکبز کے ساتھ رہائش پذیر تھی وہ بھی مئی 2020 میں ایک سڑک حادثے میں انتقال کر گئیں۔
عدالت کو بتایا گیا کہ مرنے والے آرچی کے بارے میں 5 جون کو ایمرجنسی نمبر پر کال کرکے بتایا گیا کہ دل کا دورہ پڑنے کے باعث بچہ ہلاک ہوا اور اسے مردہ قرار دے دیا گیا۔
بعد ازاں بچے کی پوسٹ مارٹم رپورٹ نے بھانڈا پھوڑ دیا جس میں ایسے حیران کن انکشافات ہوئے کہ اس کی موت کی وجہ پیراسیٹامول کی ضرورت سے زیادہ مقدار تھی۔
مقدمے کی تفتیش کرنے والے افسر کا کہنا ہے کہ یہ ایک المناک کیس ہے مجھے خوشی ہے کہ مقدمے کی سماعت کے دوران ایلی جیکبز نے آخرکار اپنے جرم کا برملا اعتراف کرلیا ہے۔
