ممبئی: کورونا وائرس کے شکار افراد کے لیے مختص قرنطینہ ہوٹل میں آگ بھڑک اٹھی۔
بھارتی میڈیا کے مطابق جنوبی ممبئی کے علاقے میں واقع 4 منزلہ ہوٹل میں اچانک آگ لگنے سے افراتفری پھیل گئی۔
اطلاع ملنے پر 2 فائرٹینڈرز نے فوری پہنچ کر آگ کو مزید پھیلنے سے روک لیا اور کچھ دیر بعد آگ پر قابو پا لیا۔
Level-II fire breaks out at Rippon Hotel on Bellasis Road in Nagpada. Fire fighting operation on. Fire confined in the hotel's lodging room, which was being used as a quarantine center for #COVID19 patients. Most of the patients rescued, search operation on: #Mumbai Fire Brigade https://t.co/nxluWT1WPY pic.twitter.com/6Mn4Bi9GuO
— ANI (@ANI) April 21, 2020
فائر بریگیڈ حکام کا کہنا ہے کہ آگ بجھانے کے بعد کولنگ کا عمل جاری ہے اور واقعے میں کسی کے زخمی ہونے کی اطلاع نہیں ملی۔
حکام کا کہنا ہے کہ ہوٹل کو قرنطینہ سینٹر میں تبدیل کیا گیا ہے جس میں 25 کورونا کے مریض اور 2 عملے کے ارکان تھے جنہیں دھواں دیکھتے ہی بحفاظت نکال لیا تھا۔
پولیس اور دیگر اداروں کے اہلکار ہوٹل پہنچ گئے اور صورتحال کا جائزہ لینے کے بعد واقعے کی تحقیقات کا آغاز کر دیا۔