ممبئی : بھارتی شہر ممبئی کے ریلوے اسٹیشن پر بھگڈر کے نتیجے میں 27 افراد ہلاک جبکہ 30 افراد زخمی ہوگئے۔
تفصیلات کے مطابق بھارتی شہر ممبئی کے ریلوے اسٹیشن پر بھگڈرمچنے سے 27 افراد ہلاک جبکہ 30 سے زیادہ افراد زخمی ہوگئے۔
بھارتی حکام کا کہنا ہے کہ ریلوے اسٹیشن یہ حادثہ لوگوں کے ہجوم اور تیزبارش کے باعث پیش آیا۔
بھارتی ریلوے کے ترجمان انیل سکسینا کا کہنا ہے کہ حادثے میں زخمی ہونے والے افراد کو طبی امداد کے لیے اسپتال منتقل کردیا گیا۔
انہوں نے بتایا کہ بڑی تعداد میں لوگوں نے تیزبارش سے بچنے کے لیے پل پر چڑھ گئے اور ٹرین کے ریلوے اسٹیشن پر آتے ہی سب نے ٹرین کی جانب رخ کیا جس کی وجہ سے یہ حادثہ ہوا۔
بھارتی وزیراعظم نریندر مودی نے ممبئی اسٹیشن پر پیش آنے والے حادثے میں انسانی جانوں کے ضیاع پر گہرے دکھ کا اظہارکرتے ہوئے کہا ہے کہ ان کی تمام تر ہمدردیاں متاثرہ لوگوں کے ساتھ ہیں۔
My deepest condolences to all those who have lost their lives due to the stampede in Mumbai. Prayers with those who are injured.
— Narendra Modi (@narendramodi) September 29, 2017
Situation in Mumbai is being continuously monitored. @PiyushGoyal is in Mumbai taking stock of the situation & ensuring all assistance.
— Narendra Modi (@narendramodi) September 29, 2017
دوسری جانب بھارتی وزیرریلوے پیوش گویل نے سماجی رابطے کی ویب سائٹ ٹویٹر پر اپنے پیغام میں ممبئی اسٹیشن پر پیش آنے والے حادثے پر دکھ کا اظہار کرتے ہوئے کہا کہ ان کی دلی ہمدردیاں متاثرہ خاندانوں کے ساتھ ہیں۔
My heartfelt condolences to the families of the bereaved. I pray for the speedy recovery of the injured persons.
— Piyush Goyal (@PiyushGoyal) September 29, 2017
اترپردیش میں ٹرین کی بوگیاں الٹنے سے23 افراد ہلاک
یاد رہے کہ گزشتہ ماہ 20 اگست کو بھارت کی ریاست اترپردیش میں ٹرین کی بوگیاں الٹنے سے23 افراد ہلاک اور 50 سے زیادہ زخمی ہوگئے تھے۔
بھارتی ریاست کانپور میں ٹرین حادثہ،142 افراد ہلاک
واضح رہےکہ گزشتہ سال 21 کو نومبر بھارتی ریاست کانپور میں مسافر ٹرین حادثے کے نتیجے میں کم از کم 142 افراد ہلاک جبکہ 150 سے زائد افراد زخمی ہوگئے تھے۔
