The news is by your side.

نفرت جیت گئی، فنکار ہار گیا، بھارتی مسلم کامیڈین منور فاروقی کا بڑا اعلان

بنگلور : بھارت میں دو ماہ کے دوران اپنا 12 واں شو منسوخ ہونے کے بعد دلبرداشتہ بھارتی کامیڈین منور فاروقی نے اسٹینڈ اپ کامیڈی سے دستبراری کا اعلان کردیا ہے۔

بھارت میں مسلمان آج بھی ہندو انتہا پسندوں کے نشانے پر ہیں، ہندو انتہا پسندوں نے معروف مسلمان کامیڈین منور فاروقی کو اسٹینڈ اپ کامیڈی چھوڑنے پر مجبورکردیا۔

بھارتی اسٹینڈ اپ کامیڈین کا بنگلور میں ہونے والا شو پولیس نے منسوخ کرا دیا، یہ بارہواں شو تھا جو دھمکیوں کی وجہ سے منسوخ کیا گیا۔

مسکراہٹیں بکھیرنے والے منور فاروقی آخر کار دل برداشتہ ہوگئے، انہوں نے سوشل میڈیا پر پیغام دیا کہ نفرت جیت گئی اور فنکار ہار گیا۔ میں یہ ختم کر رہا ہوں، الوداع!۔

منور فاروقی نے مزید لکھا کہ مجھے ایک مذاق کے لیے جیل میں ڈال دیا گیا لیکن میں نے اپنے شو کو کبھی منسوخ نہیں کیا، میرا خیال ہے کہ یہ اختتام ہے۔ میرا نام منور فاروقی ہے اور میں یہ ختم کر رہا ہوں، آپ لوگ بہت اچھے سامعین تھے، الوداع۔۔۔۔۔۔

Comments

یہ بھی پڑھیں