پاکستانی ڈرامہ انڈسٹری کے معروف اداکار منیب بٹ نے بڑھتی مہنگائی کے پیش نظر فوری عام انتخابات کروانے کا مطالبہ کردیا۔
اے آر وائی ڈیجیٹل کے ڈرامہ سیریل ’بددعا‘ میں مرکزی کردار نبھانے والے اداکار منیب بٹ نے پیٹرول کی قیمت بڑھنے پر ردعمل دیتے ہوئے لکھا کہ ’لوگ احتجاج کرنے کے بجائے اپنے ٹینک بھرنے کے لیے لمبی قطاروں میں لگے ہیں۔‘
منیب بٹ نے لکھا کہ ’میں نے پہلے بھی کہا تھا کہ کوئی بھی اس کمزور 13 پارٹیوں کی مخلوط حکومت پر بھروسہ اور سرمایہ کاری نہیں کرے گا‘۔
اُنہوں نے مطالبہ کرتے ہوئے کہا کہ ’خدا کے لیے پاکستان کو بچائیں اور عام انتخابات کا اعلان کریں‘۔
واضح رہے کہ پیٹرولیم مصنوعات کی قیمتوں میں تیسری مرتبہ اضافہ کر دیا گیا ہے جس کے بعد سے پیٹرول 24 اور ڈیزل 59 روپے لیٹر مہنگا مل رہا ہے۔
Petrol 234 !
People instead of protesting are standing in long Queues to get their tanks full.
I said before as well no one will trust and invest on this weak 13 party coalition government 🙏🙏
For God sake save Pakistan and call General Elections.
Siyasat nahi Riyasat bachao 🙏— Muneeb Butt (@muneeb_butt9) June 15, 2022
یاد رہے کہ دو روز قبل وفاقی وزیر خزانہ مفتاح اسماعیل نے پیٹرولیم مصنوعات کی قیمتوں میں اضافے کا اعلان کرتے ہوئے بتایا کہ پیٹرول کی فی لیٹر قیمت میں 24.03 روپے اضافہ کیا جارہا ہے جب کہ ڈیزل پر 59.16 روپے، لائٹ ڈیزل آئل پر 39.16 روپے اور مٹی کے تیل کی قیمت میں 39.49 روپے فی لیٹر اضافہ کیا جارہا ہے۔
پیٹرولیم مصنوعات کی قیمتوں میں اضافے کے بعد عوام کی جانب سے حکومت پر سخت تنقید کی جارہی ہے اور سوشل میڈیا صارفین بھی میمز بنا کر حکومت پر طنز کررہے ہیں۔
