کراچی : کراچی اور حیدرآباد میں بلدیاتی انتخابات کے لئے انتخابی سامان کی ترسیل الیکشن کمیشن کے فیصلے سے مشروط کردی گئی۔
تفصیلات کے مطابنق سندھ میں بلدیاتی انتخابات کے دوسرے مرحلے کے لئے انتخابی مواد کی پولنگ اسٹیشنز پر ترسیل میں تاخیر کا امکان ہے۔
کراچی اور حیدرآباد میں انتخابی سامان کی ترسیل الیکشن کمیشن کے فیصلے سے مشروط کردی گئی ہے۔
حکومت کی جانب سے سیکیورٹی کی فراہمی کی معذرت کے بعد کمیشن کا اجلاس ایک بجے ہوگا، اجلاس کے بعد کراچی کے 7اضلاع میں انتخابات کا حتمی فیصلہ ہوگا۔
ذرائع کے مطابق سینئر افسران کی مصروفیت کے باعث فیلڈ افسران تذبذب کا شکار ہے ، انتخابی مواد ترسیلی مراکز پر پہنچا دیا گیا تاہم عملے کو اجلاس کے فیصلے تک سینٹر چھوڑنے کی اجازت نہیں ہوگی۔
ذرائع کا کہنا ہے کہ انتخابی مواد حساس ہے، اسے پولنگ اسٹیشنز پر محفوظ طریقے سے پہنچانے کیلیے بھاری سیکیورٹی کی ضرورت ہے۔
