The news is by your side.

Advertisement

رکن قومی اسمبلی منیر خان اورکزئی دل کا دورہ پڑنے سے انتقال کرگئے

اسلام آباد : رکن قومی اسمبلی منیر خان اورکزئی انتقال کرگئے، وہ کورونا وائرس میں  مبتلا  ہوکر صحت یاب ہوگئے تھے گزشتہ رات دل کا دورہ پڑنے سے جاں بحق ہوئے۔

تفصیلات کے مطابق جے یو آئی(ف) کے رہنما اور ضلع کرم سے رکن قومی اسمبلی منیر خان اورکزئی انتقال کرگئے، ان کو گزشتہ رات گئے دل کا دورہ پڑا جو جان لیوا ثابت ہوا، منیر خان اورکزئی کا 24 اپریل کو کورونا ٹیسٹ مثبت آیا تھا بعد ازاں وہ صحتیاب ہوگئے تھے۔

ذرائع کے مطابق 15مئی کو انہوں نے قومی اسمبلی کے اجلاس میں شرکت کی تھی جس کے دوران ان کی طبیعت اچانک ناساز ہوگئی تھی اور ابتدائی طبی معائنے کے بعد انہیں ایمبولینس میں اسپتال منتقل کردیا گیا تھا۔ انہیں کچھ عرصے تک حیات آباد میڈیکل کمپلیکس پشاور میں وینٹی لیٹر پر بھی رکھا گیا تھا۔

واضح رہے کہ منیرخان اورکزئی ضلع کرم سے رکن قومی اسمبلی منتخب ہوئے تھے، مرحوم کی نمازجنازہ3بجے آبائی گاؤں مندوری ضلع کرم میں ادا کی جائے گی۔

صدر مملکت ڈاکٹر عارف علوی سمیت دیگر سیاسی و سماجی شخصیات نے منیر خان اورکزئی کے انتقال پر گہرے رنج اور دکھ کا اظہار کرتے ہوئے دعا کی کہ اللہ تعالیٰ مرحوم کی روح کو جوار رحمت میں جگہ دے اور غمزدہ خاندان کو صبر جمیل عطا کرے۔

وزیراعلیٰ کے پی محمود خان نے منیرخان اورکزئی کے انتقال پراظہار افسوس کیا ہے، اپنے تعزیتی بیان میں وزیراعلیٰ کے پی نے مرحوم کی مغفرت اور لواحقین کیلئے صبر جمیل کی دعا کی ہے۔

مزید پڑھیں : قومی اسمبلی کا اجلاس، رکن اسمبلی منیر اورکزئی کی اچانک طبیعت خراب

دوسری جانب جمعیت علما اسلام (ف) کے مقامی رہنما امتیاز قمر کورونا وائرس کے باعث جاں بحق ہوگئے، امتیاز قمرکورونا وائرس کے باعث 15 روز سے لاہور کے نجی اسپتال میں زیرعلاج تھے جہاں وہ جانبر نہ ہوسکے۔

Comments

یہ بھی پڑھیں