The news is by your side.

مونس الٰہی نے پرویزالٰہی کا خصوصی پیغام عمران خان کو پہنچا دیا

وزیراعلیٰ پنجاب کے بیٹے مونس الٰہی نے والد پرویزالٰہی کا خصوصی پیغام عمران خان کو پہنچا دیا۔

تفصیلات کے مطابق چیئرمین تحریکِ انصاف عمران خان سے لاہور زمان پارک میں مونس الٰہی نے ملاقات کی جو سوا گھنٹہ جاری ہی۔

ملاقات میں پنجاب اسمبلی تحلیل کرنےسےمتعلق تفصیلی مشاورت ہوئی جب کہ عمران خان کاحکومت کو مذاکرات کی پیشکش کےحوالےسےبھی تبادلہ خیال ہوا۔

ملاقات میں پی ٹی آئی پارلیمانی پارٹی میں طےپانےوالےاموربھی زیربحث آئے۔ مونس الٰہی نے والد پرویزالٰہی کا خصوصی پیغام عمران خان کو پہنچایا۔

قبل ازیں چیئرمین پی ٹی آئی عمران خان کی زیرصدارت پنجاب کی پارلیمانی پارٹی کا اجلاس ہوا جس میں اسمبلیوں سے مستعفی ہونے اور تحلیل کرنے سے متعلق آپشنز پر غور کیا گیا۔

اجلاس میں ملکی سیاسی صورتحال اور اسمبلیوں سے باہر آنے کی حکمت عملی ترتیب دی گئی۔

اے آر وائی نیوز کے ہیڈ آف انویسٹی گیشن سیل نعیم اشرف بٹ نے اپنے ذرائع کے حوالے سے بتایا ہے کہ 5 ارکان اسمبلی نے اسمبلی تحلیل کرنے پر رائے دی ہے جس میں سے 3 ایم پی ایز نے کہا الیکشن کمیشن پر اعتبار نہ کریں۔

Comments

یہ بھی پڑھیں