اے آر وائی ڈیجیٹل کے مقبول ڈرامہ سیریل ’بیٹیاں‘ میں ’انعم‘ کا کردار نبھانے والی اداکارہ تانیہ حسین ’مقدر کا ستارہ‘ میں ’رمشا‘ کا منفی کردار ادا کررہی ہیں۔
فوٹو اور ویڈیو شیئرنگ ایپ انسٹاگرام پر تانیہ حسین ڈرامے کے سیٹ سے تصاویر شیئر کرتی رہتی ہیں جسے ان کے مداح بھی پسند کرتے ہیں۔
اداکارہ نے اپنی نئی تصاویر شیئر کیں جس میں انہیں لمبے بالوں میں دھوپ کی کرنوں میں تصاویر بنواتے دیکھا جاسکتا ہے۔
View this post on Instagram
تانیہ حسین نے تصاویر شیئر کرتے ہوئے کیپشن میں ’رمشا‘ لکھا اور بتایا کہ ’وہ اپنے لمبے بالوں کو بہت مس کررہی ہیں۔‘ واضح رہے کہ ’مقدر کا ستارہ‘ کی ’رمشا‘ نے کردار کی مناسبت سے بال چھوٹے کروائے ہیں۔
اس سے قبل اداکاہ نے ڈرامے کے سیٹ سے کچھ تصاویر شیئر کیں جس میں انہوں نے کردار کی مناسب سے مغربی لباس زیب تن کیا ہوا تھا۔
View this post on Instagram
اداکارہ تانیہ حسین نے اپنے کردار سے متعلق کہا تھا کہ ’رمشا ایک ایسا کردار ہے جو کسی بھی دوسرے کردار سے مختلف ہے جو میں نے اس سے پہلے کیا ہے۔
آئی ڈریم انٹرٹینمنٹ اور اے آر وائی ڈیجیٹل کی مشترکہ پیشکش ڈرامہ سیریل ’مقدر کا ستارہ‘ کی کاسٹ میں آریز احمد (فیضان)، فاطمہ آفندی (ہادیہ)، بابر علی (صفدر، فیضان کے والد)، نادیہ حسین (فیضان کی والدہ)، لائبہ خان (ہادیہ کی بہن) تانیہ حسین (رمشا)، سلمی حسن ودیگر شامل ہیں۔
View this post on Instagram
ڈرامے کی کہانی صائمہ اختر نے لکھی ہے جبکہ اس کی ہدایت کاری کے فرائض ثاقب ظفر خان نے انجام دیے ہیں۔’مقدر کا ستارہ‘ کو روزانہ شام 7 بجے اے آر وائی ڈیجیٹل پر نشر کیا جاتا ہے۔
View this post on Instagram