The news is by your side.

Advertisement

رینجرز نے یاسین آباد قبرستان سے بھاری اسلحہ برآمد کرلیا

کراچی : شہر قائد میں رینجرز نے کارروائی کرکے ایم کیوایم لندن کا چھپایا گیا اسلحہ برآمد کرلیا، لیاقت آباد میں پولیس مقابلے کے بعد ملزم زخمی حالت میں گرفتار کرلیا جبکہ دوسرا فرارہونے میں کامیاب ہوگیا، مختلف علاقوں سے پانچ ملزمان کو گرفتار کرلیا گیا۔

تفصیلات کے مطابق کراچی میں جرائم کے خاتمے کے لیے قانون کے رکھوالے متحرک ہوگئے۔ رینجرز نے فیڈرل بی ایریا گلبرگ کے علاقوں میں کارروائی کی، اس دوران یاسین آباد کے قبرستان سے اسلحے کا بڑا ذخیرہ برآمد کرلیا۔

رینجرز ذرائع کے مطابق اسلحہ ایم کیوایم لندن کا ہے، اسلحے میں ایل ایم جی،ایس ایم جی، تیس بور رپیٹر، نائن ایم ایم اور بتیس بور کے پستول شامل ہیں۔

اس کے علاوہ رینجرز کی بھاری نفری نے بلدیہ، سائٹ، کیماڑی اور زمان ٹاؤن میں کارروائیاں کرکے پانچ ملزمان کو گرفتار کرلیا، دو ملزمان کا تعلق سیاسی جماعت اورایک لیاری گینگ وار کا کارندہ ہے، پولیس نے کلفٹن میں منشیات فروشوں کے خلاف کامبنگ آپریشن کرکے دو ملزمان کو گرفتار کرلیا۔

پولیس کو تگنی ناچ نچانے والا تالا توڑ گروپ کورنگی اللہ والا ٹاؤن میں دو دکانوں کے تالے کاٹ کر سامان لے اڑا، ڈیفنس میں مسلح شخص ہیلمٹ پہن کر دکان میں گھسا اور لوٹ مار کرکے فرار ہوگیا۔

ادھر لیاقت آباد میں پولیس نے مقابلے کے بعد ایک ملزم کو زخمی حالت میں گرفتار کرلیا جبکہ اس کا ساتھی فرار ہونے میں کامیاب ہوگیا، ایس ایس پی سینٹرل کا کہنا ہے کہ گرفتار ملزم سے اسلحہ اورمسروقہ موٹرسائیکل برآمد کرلی گئی ہے۔

Print Friendly, PDF & Email

Comments

comments

یہ بھی پڑھیں