سندھ ہائی کورٹ : مراد علی شاہ کے کاغذات نامزدگی کیخلاف اپیل مسترد آر او کے فیصلے کو بحال
The news is by your side.

Advertisement

سندھ ہائی کورٹ : مراد علی شاہ کے کاغذات نامزدگی کیخلاف اپیل مسترد

کراچی : سندھ ہائی کورٹ نے سابق وزیر اعلیٰ سندھ سید مراد علی شاہ کے کاغذات نامزدگی کیخلاف اپیل مسترد کردی، بینچ نےآر او کے فیصلے کو بحال رکھا۔

تفصیلات کے مطابق عدالت نے سابق وزیر اعلیٰ سندھ سید مراد علی شاہ کے کاغذات نامزدگی بحال کر کے ان کیخلاف دائر کی اپیل مسترد کردی۔

سندھ ہائیکورٹ میں مراد علی شاہ کے کاغذات نامزدگی بحالی کیخلاف اپیل پر سماعت ہوئی، ان کیخلاف جلال محمود شاہ کے وکیل نے اپیل دائر کی تھی۔

عدالت نے اپنے فیصلے میں مذکورہ اپیل مسترد کرتے ہوئے آر او کے فیصلے کو بحال رکھا ہے، مراد علی شاہ نے پی ایس80جامشورو سےکاغذات نامزدگی جمع کرائے تھے۔

وکیل اپیل کنندہ نے کا مؤقف تھا کہ مرادعلی شاہ نے بیان حلفی میں دہری شہریت کا ذکرنہیں کیا، دہری شہریت چھپانے پرمرادعلی شاہ صادق و امین نہیں رہے،لہٰذا ان کے کاغذات نامزدگی مسترد کیے جائیں۔

دوسری جانب سابق وزیراعلیٰ سندھ مراد علی شاہ نے عدالتی فیصلے پر میڈیا سے گفتگو کرتے ہوئے کہا کہ اللہ کا شکر ہے کہ میرے خلاف دائر اپیلیں مسترد ہوگئیں، میرے خلاف جعلی اقاما فائل کیا گیا، اقاما جعلی ہے جس کا ثبوت یہ ہے کہ اس پر تاریخ پیدائش اور پاسپورٹ نمبر بھی غلط ہے۔

انہوں نے بتایا کہ میں زندگی میں کبھی عجمان نہیں گیا، غلط خبر دینے والے کیخلاف الیکشن کمیشن میں کیس کروں گا۔

مزید پڑھیں: مراد علی شاہ کی دہری شہریت اور اقامہ عدالت میں چیلنج

واضح رہے کہ سندھ حکومت کے سابق وزیراطلاعات ونشریات ناصر حسین شاہ اور وزیر صنعت و تجارت منظور وسان کے اقامے بھی سامنے آچکے ہیں جن کے خلاف عدالتوں میں درخواستیں دائر کی گئیں تھیں۔

دوسری جانب عام انتخابات میں حصہ لینے والے مختلف جماعتوں کے امیدواروں کی جانچ پڑتال کے دوران 122 امیدواران کی دہری شہریت نکلی تھی، فیڈرل انویسٹی گیشن ایجنسی (ایف آئی اے) کی جانب سے الیکشن کمیشن کو اس ضمن میں رپورٹ بھی پیش کی تھی۔

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں