The news is by your side.

Advertisement

عمران خان کے پاس لوگوں کو برا کہنے کے علاوہ کوئی پلان نہیں، وزیر اعلیٰ سندھ

جامشورو: وزیر اعلیٰ سندھ سید مراد علی شاہ نے کہا ہے کہ عمران خان کے پاس لوگوں کو برا کہنے کے علاوہ کوئی پلان نہیں، ان سے ایک چھوٹا صوبہ خیبر پختونخوا نہیں سنبھالا گیا، پیپلزپارٹی واحد پارٹی ہے جو پاکستان کو سنبھال سکتی ہے۔

ان خیالات کا اظہار انہوں نے میڈیا سے گفتگو کرتے ہوئے کیا، سید مراد علی شاہ نے کہا کہ بجٹ پیش کرنے کا حکومت کے پاس اختیار نہیں تھا، سیہون جامشورو روڈ پر حکومت نے سندھ سے دشمنی کی، روڈ کی دو لین بنی ہیں دو مزید بنانی ہیں، میں کہتا ہوں مجھے دیں میں تیزی سے مکمل کروں گا۔

وزیر اعلیٰ سندھ نے کہا کہ ایم کیو ایم کو سیاست کی مکمل اجازت ہے تاہم کسی کو بھی دہشت گردی نہیں کرنے دیں گے، آٗئندہ عام انتخابات میں عوام ایم کیو ایم کو ووٹ نہیں دیں گے۔

مراد علی شاہ نے کہا کہ وزیر داخلہ احسن اقبال پر حملے کی شدید مذمت کرتا ہوں، احسن اقبال پر حملہ دہشت گردی ہے، دہشت گردوں کی کوشش ہے اس امن کو سبوتاژ کیا جائے۔

انہوں نے کہا کہ لعل شہباز قلندر کے مزار پر سیکیورٹی کے سخت انتظامات کئے گئے ہیں۔ سیہون میلے میں بیرون ملک سے بھی لوگ آتے ہیں، سندھ صوفیوں کی دھرتی اور امن کا گہوارہ ہے۔

مزید پڑھیں: کراچی میں امن بڑی قربانیوں سے آیا ہے، دہشت کا ماحول ختم ہوگیا، مراد علی شاہ

واضح رہے کہ مراد علی شاہ کاکہنا تھا کہ کراچی میں امن بڑی قربانیوں سے آیا ہے، دہشت کا ماحول ختم ہوگیا ہے، سیکڑوں لوگوں نے جانوں کی قربانی دے کر ہمیں چین سے جینے کا موقع دیا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں