The news is by your side.

Advertisement

کراچی: کچرے کا مسئلہ گمبھیر ہوگیا، وزیر اعلیٰ سندھ نے اجلاس بلا لیا

شہر کی صفائی میرا کام نہیں، اس کے باوجود شہریوں کے ریلیف کے لئے کام کر رہا ہوں: مراد علی شاہ

کراچی: شہر قائد میں کچرا کنڈیوں اور کوڑے کرکٹ کے مسئلے نے  وزیر  اعلیٰ کو اجلاس بلانے پر مجبور کر دیا.

تفصیلات کے مطابق وزیر  اعلیٰ سندھ مراد علی شاہ کی زیرصدارت کچرے کے مسئلے سے متعلق خصوصی اجلاس ہوا. وزیر بلدیات سندھ، میئرکراچی سمیت تمام ذمہ داران سر جوڑ کر بیٹھ گئے.

اس موقع پر وزیر اعلیٰ سندھ نے کہا کہ حالیہ بارشوں کے دوران تمام اداروں نے مل کر کام کیا، شہر کی صفائی میرا کام نہیں، اس کے باوجود آپ کے ساتھ مل کر شہریوں کے ریلیف کے لئے کام کر رہا ہوں.

وزیراعلیٰ سندھ نے کہا کہ میں فنڈز بھی دے رہا ہوں اور انتظامی مدد بھی کر رہا ہوں، اس کے باوجود بھی شہرکے کچرے کا مسئلہ حل نہیں ہو رہا، آج ہمیں مل کراس مسئلے کا حل نکالنا ہے.

مزید پڑھیں: کچرا اٹھانے کی ذمہ داری ڈی ایم سی کی ہے، سعید غنی

خیال رہے کہ کراچی میں کچرا اٹھانے کا مسئلہ گمبھیر شکل اختیار کر گیا ہے، کئی برس کی غفلت کی وجہ سے گندگی کے ڈھیر لگ گئے. بارشوں کے بعد صورت حال مزید گمبھیر ہوگئی.

پی ٹی آئی حکومت کی جانب سے صفائی مہم شروع ہونے کے بعد وفاق اور سندھ حکومت میں تناؤ بڑھنے لگا. دونوں‌ طرف سے سخت بیانات کا سلسلہ اب بھی جاری ہے.

Comments

comments

یہ بھی پڑھیں