The news is by your side.

Advertisement

انشاءاللہ پاکستان پیپلزپارٹی آج کامیاب ہوگی‘جشن منائےگی‘ مراد علی شاہ

سیہون : سابق وزیراعلیٰ سندھ مراد علی شاہ کا کہنا ہے کہ بلاول بھٹونے بہترین انتخابی مہم چلائی، انشاءاللہ بہترنتیجہ آئے گا۔

تفصیلات کے مطابق سیہون شریف میں سابق وزیراعلیٰ سندھ نے ووٹ کاسٹ کرنے کے بعد میڈیا سے گفتگو کرتے ہوئے کہا کہ دعا ہے اللہ تعالیٰ خیروعافیت کے ساتھ آج کا دن گزاردے۔

مراد علی شاہ کا کہنا تھا کہ پولنگ اسٹیشن واہڑمیں ووٹ ڈال دیا، لوگوں کی قطاریں لگی ہیں۔

سابق وزیراعلیٰ سندھ کا یہ بھی کہنا تھا کہ انشاء اللہ پاکستان پیپلزپارٹی آج کامیاب ہوگی اورجشن منائے گی، بلاول بھٹونے بہترین انتخابی مہم چلائی، انشاء اللہ بہترنتیجہ آئے گا۔

خیال رہے کہ سیہون کے حلقہ پی ایس 80 سے پیپلزپارٹی کے امیدوار مراد علی شاہ الیکشن لڑرہے ہیں۔

عام انتخابات 2018 کے لیے پولنگ کا عمل شروع

واضح رہے کہ پاکستان کے گیارہویں عام انتخابات کے لیے ملک بھر میں پولنگ کا آغاز ہوگیا جہاں 10 کروڑ 59 لاکھ 55 ہزار 409 ووٹرز حق رائے دہی استعمال کریں گے۔

انتخابی عمل کے دوران حفاظتی اقدامات کے پیش نظر3لاکھ 70 ہزار فوجی جوان جبکہ ساڑھے چار لاکھ پولیس اہلکار تعینات ہیں، 17 ہزار سے زائد پولنگ اسٹیشنزکوانتہائی حساس قرار دیا گیا ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں