The news is by your side.

Advertisement

سندھ صوفیوں کی سرزمین ہے، وقت کے ساتھ حالات خراب ہوئے‘ وزیراعلیٰ سندھ

کراچی : وزیراعلیٰ سندھ مراد علی شاہ کا کہنا ہے کہ دہشت گردی نے پورے ملک سمیت سندھ کو بھی بری طرح متاثر کیا۔

تفصیلات کے مطابق وزیراعلیٰ سندھ مراد علی شاہ سے نیشنل ڈیفنس یونیورسٹی کے کورس کے وفد نے ملاقات کی۔

اس موقع پروزیراعلیٰ سندھ نے کہا کہ سندھ صوفیوں کی سرزمین ہے، وقت کے ساتھ حالات خراب ہوئے، دہشت گردی نے پورے ملک سمیت سندھ کو بھی بری طرح متاثر کیا۔

انہوں نے کہا کہ جنونیت کی سوچ سندھ تک بھی پہنچی، کراچی میں دہشت گردی، ٹارگٹ کلنگ، بھتہ خوری بڑھ گئی، ہم نے ٹارگٹ آپریشن شروع کیا، اللہ کا کرم ہے دہشت گردی کا خاتمہ ہوا۔

مراد علی شاہ نے کہا کہ اسٹریٹ کرائم ایک چیلنج کے طور پر ڈیل کررہے ہیں، انشااللہ کراچی کےعوام کی مدد سے یہ بھی ختم کردیں گے۔

وزیراعلیٰ سندھ نے کہا کہ 18ویں ترمیم سے صوبوں کوکچھ اختیارات ملے، 18ویں ترمیم کے ثمرات واضح طورپرنظربھی آرہے ہیں۔

انہوں نے کہا کہ ہمیں جوادارے مرکزسے ملے ان کی کارکردگی بہتر کی، پولیس میں بھرتیاں میرٹ کی بنیاد پرکی ہیں، پولیس کوجدید اسلحے سے آراستہ کرنا ہماری کامیابیاں ہیں۔

وزیراعلیٰ سندھ مراد علی شاہ نے کہا کہ کہ شاہ عبدالطیف بھٹائی، سچل سرمست کی سرزمین کوامن وخوشحالی کا گہوارہ بنائیں گے۔

Comments

comments

یہ بھی پڑھیں