The news is by your side.

Advertisement

لوگ ڈیم بنانے کی بات کرتے ہیں جس کے لیے پانی نہیں ہے: مراد علی شاہ

جامشورو: سابق وزیر اعلیٰ سندھ اور پیپلز پارٹی کے مرکزی رہنما سید مراد علی شاہ نے کہا ہے کہ لوگ ڈیم بنانے کی بات کرتے ہیں جس کے لیے پانی نہیں ہے، ہم نے دستیاب پانی کو بچانے کے لیے کینال لائننگ کی۔

ان خیالات کا اظہار انہوں نے جامشورو میں میڈیا سے گفتگو کرتے ہوئے کیا، مراد علی شاہ کا کہنا تھا کہ کراچی کے پانی کی بات کی گئی تو پنجاب نے مخالفت کی، شہباز شریف بتائیں کہ ہم نے کراچی کے پانی کی بات کی تو مخالفت کیوں کی؟

انہوں نے کہا کہ اپنی کارکردگی کی بنیاد پر عوام کے پاس جائیں گے، ہم الیکشن کی تیاری پورے 5 سال کرتے ہیں، عوام پیپلزپارٹی کے انتخابی امیدواروں کو کامیاب کرائیں گے۔


 

سندھ ہائی کورٹ : مراد علی شاہ کے کاغذات نامزدگی کیخلاف اپیل مسترد

سابق وزیر اعلی سندھ کا کہنا تھا کہ پارٹی ڈسپلن کی خلاف ورزی کرنے والوں کے خلاف کارروائی ہوگی، الیکشن پر تحفظات سے متعلق ہمارے چیئرمین نے بھی ذکر کیا، صورت حال جو بھی ہو پیپلز پارٹی انتخابات میں بھرپور حصہ لے گی۔

ان کا کہنا تھا کہ خیبرپختونخوا اور بلوچستان میں پارٹی کی پوزیشن اچھی ہے، الیکشن میں پنجاب سے بھی خاطر خواہ نتائج ملیں گے، اقتدار میں آکر عوام کی محرومیوں کو دور کریں گے۔


مراد علی شاہ کی دہری شہریت اور اقامہ عدالت میں چیلنج


پوچھے گئے سوال پر ان کا کہنا تھا کہ مٹھی اور اسلام کوٹ کے پلانٹس کے کنکشن حیسکو نے کاٹے، ہمارے دور میں معاہدے کے تحت کنکشن نہیں کاٹے جاسکتے تھے جبکہ نوابشاہ میں جو سہولیات ہیں وہ شاید کراچی میں بھی میسر نہیں ہوگی۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں