کراچی : وزیراعلیٰ سندھ سید مراد علی شاہ نے کہا کہ محکمہ تعلیم اور صحت کے شعبے لوکل باڈیز سے چل نہیں رہے اس لیے یہ دونوں محکمے سندھ حکومت چلائے گی۔
کراچی میں سید مراد علی شاہ نے میڈیا سے گفتگو کرتے ہوئے کہا کہ لوکل باڈیز کے نئے قانون میں ٹاؤنز اپوزیشن کی تجویز ہے۔
وزیراعلیٰ سندھ نے کہا کہ صوبائی وزیر تعلیم ناصر شاہ نے تمام اپوزیشن اراکین کو اعتماد میں لیا، مخالفت اپوزیشن کو کرنی ہے تو بھلے کرے۔
ایک سوال کے جواب میں انہوں نے کہا کہ وہ ہمارے خلاف اتحاد بنائیں، ہم لوکل باڈیز کو بااختیار کرینگے، لاہور کے ضمنی انتخابات میں پیپلز پارٹی کو زبردست ووٹ ملے۔
سید مراد علی شاہ نے مزید کہا کہ انشاءاللہ عام انتخابات میں پنجاب سے پہلے سے زیادہ نشستیں حاصل کریں گے۔
