The news is by your side.

Advertisement

کراچی میں امن بڑی قربانیوں سے آیا ہے، دہشت کا ماحول ختم ہوگیا، مراد علی شاہ

کراچی: وزیر اعلیٰ سندھ سید مراد علی شاہ نے کہا ہے کہ کراچی میں امن بڑی قربانیوں سے آیا ہے، دہشت کا ماحول ختم ہوگیا۔

ان خیالات کا اظہار انہوں نے تعزیتی ریفرنس سے خطاب کرتے ہوئے کیا، مراد علی شاہ نے کہا کہ پی پی شہیدوں کی پارٹی ہے، ان کا خون رائیگاں نہیں گیا، ٹنگی گراؤنڈ جلسے میں سارے شہر سے لوگ آٗئے تھے۔

وزیر اعلیٰ سندھ نے کہا کہ کراچی کا ہر گلی محلہ پورے پاکستان کا ہے جسے جہاں جلسہ کرنا ہے کرے، پیپلزپارٹی جو کردیتی ہے ایم کیو ایم بھی کرنے لگ جاتی ہے۔

انہوں نے کہا کہ آئندہ عام انتخابات میں عوام ایم کیو ایم کو ووٹ نہیں دیں گے، جن لوگوں نے شہر کو یرغمال بنایا انہیں عوام عام انتخابات میں باہر کردیں گے، سیکڑوں لوگوں نے جانوں کی قربانی دے کر ہمیں چین سے جینے کا موقع دیا ہے۔

مزید پڑھیں: سندھ سے دشمنی کی جارہی ہے، حق لے کر رہیں گے، مراد علی شاہ

وزیر اعلیٰ سندھ نے کہا کہ سابق وزیر اعلیٰ سندھ سید قائم علی شاہ نے امن کے قیام میں مرکزی کردار ادا کیا ہے، اُس وقت شہر میں کوئی خود کو محفوظ نہیں سمجھتا تھا، شہید اکبر ناگوری کو جب قتل کیا گیا اس وقت شہر میں خوف کا ماحول تھا۔

مراد علی شاہ نے کہا کہ شہید بھٹو کے وژن کو ہمیشہ جاری رکھیں گے، لیاری میں پانی کی فراہمی کا مسئلہ ہے، ڈیڑھ سال سے یہ ایشو کوئی اور ڈیل کررہا ہے ہمیں تقریباً نکال دیا گیا، لیاری میں پلانٹس لگائے ہیں عوام کو تنہا نہیں چھوڑیں گے۔

ن لیگ کی جانب سے پیش کردہ بجٹ پر وزیر اعلیٰ سندھ سید مراد علی شاہ نے کہا کہ بجٹ 3 مہینے کا ہے، 3 ستمبر تک، اس کے بعد بجٹ اگلی اسمبلی نے دینا ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں

Comments

comments

یہ بھی پڑھیں