ملتان:وزیر تعلیم پنجاب مرادراس کا کہنا ہے کہ صوبے بھر میں یکساں نصاب تعلیم کے نفاذ کو یقینی بنا رہے ہیں، یکساں نظام تعلیم پر ڈنڈے سے بھی عملدرآمد کرانا پڑا تو کرائیں گے۔
تفصیلات کے مطابق وزیر تعلیم پنجاب مرادراس نے اپنے بیان میں کہا ہے کہ پنجاب میں یکساں نصاب تعلیم کے نفاذ کو یقینی بنا رہے ہیں، یکساں نظام تعلیم پر ڈنڈے سے بھی عملدرآمد کرانا پڑا تو کرائیں گے۔
مرادراس کا کہنا تھا کہ اسکولوں میں کلاس رومز میں اضافے کے اقدامات کر رہے ہیں، ڈینگی کے خاتمے کےلیےاسکولوں میں اسپرے کرا رہے ہیں جبکہ پنجاب حکومت اساتذہ کو سہولتیں دینے کے اقدامات کررہی ہے۔
وزیر تعلیم پنجاب نے کہا کہ سرکاری سکولوں میں کھیلوں کے میدان آباد کریں گے۔
یاد رہے اگست میں وزیراعظم عمران خان نے ملک بھر میں یکساں نظام تعلیم کا اجرا کیا تھا ، جس کا مقصد ملک میں ہر بچے کو سیکھنے اور بڑھنے کے لیے یکساں مواقع ملنے چاہییں۔
