The news is by your side.

Advertisement

پرچی چیئرمین کی جماعت نے ملک کو بلیک واٹرز کی چراگاہ بنایا، مراد سعید

اسلام آباد : وفاقی وزیر مراد سعید نے کہا ہے کہ پرچی چیئرمین بلاول کی جماعت پیپلز پارٹی نے پاکستان کو بلیک واٹرز کی چراگاہ بنایا۔

بلاول بھٹو زرداری پاراچنار میں جلسے سے خطاب پر اپنے ردعمل میں مراد سعید کا کہنا تھا کہ مالاکنڈ کے بعد سیاسی مسخرے مسترد کرنے پر پارا چنار کےعوام مبارکباد کے مستحق ہیں۔

انہوں نے کہا کہ چوروں کا ٹولہ ملک میں جہاں بھی جاتا ہے رسوائی کا سامنا رہتا ہے، شکست کے واضح آثار نے سارے ٹولے پر پاگل پن سوار کر رکھا ہے۔

وفاقی وزیر کا کہنا تھا کہ سارے خطے کو موت کی وادی پرچی چیئرمین کی جماعت نے بنایا، فرزند زرداری کی جماعت شہداء کے وارث نہیں ان کے ہاتھ معصوموں کے خون سے رنگے ہیں۔

ان کا کہنا تھا کہ پیپلزپارٹی کی اجازت سے امریکی ڈرون حملے آسمان سے موت برساتے رہے، پرچی چیئرمین کی جماعت نے ملک کو بلیک واٹرز کی چراگاہ بنایا۔

مراد سعید نے کہا کہ تجوریاں بچانے کے لیے پرچی چیئرمین کے والد نے ملکی خودمختاری کو گروی رکھا، اسلامو فوبیا پر آواز ابھرتے دیکھ کر پرچی چیئرمین نے او آئی سی میں رخنہ اندازی کی دھمکی دی۔

یورپی یونین کو وزیراعظم کے باغیرت جواب سے پرچی چیئرمین اور والد کی کانپیں ٹانگیں، عوام پیغام دے رہے ہیں کہ دوبارہ لٹیروں کی باتوں میں نہیں آئیں گے، لاکھوں عوام عدم اعتماد کی تحریک روندتے ہوئے کل ڈاکوؤں کے ٹولے کو پیغام بھیجیں گے۔

Comments

یہ بھی پڑھیں