The news is by your side.

Advertisement

بلاول کو سمجھنا ہوگا لوٹ مار پر سزا ہوتی ہے اور زیادہ لوٹ مار پر زیادہ سزا ہوتی ہے، مراد سعید

اسلام آباد: وفاقی وزیر برائے مواصلات مراد سعید نے کہا ہے کہ بلاول کو علم ہونا چاہئے نئے پاکستان میں کرپشن، لوٹ مار ناقابل معافی ہے، ان کو سمجھنا ہوگا لوٹ مار پر سزا ہوتی ہے اور زیادہ لوٹ مار پر زیادہ سزا ہوتی ہے۔

تفصیلات کے مطابق وفاقی وزیر برائے مواصلات مراد سعید نے بلاول بھٹو کی تقریر پر ردعمل دیتے ہوئے کہا ہے کہ بلاول بھٹو والد کی لوٹ مار کے جواب کی بجائے اوٹ پٹانگ تقریر کررہے ہیں۔

مراد سعید نے کہا کہ جب پاپا گرفتار ہوتے ہیں تو تھوڑا دکھ ہوتا ہے لیکن جب پھوپھی گرفتار ہوتی ہیں تو زیادہ دکھ ہوتا ہے اور جب جلعسازی والی گرفتار ہوتو شدید ترین دکھ ہوتا ہے۔

وفاقی وزیر نے کہا کہ بلاول جان لیں والد، پھوپھو کرپشن میں ملوث ہوں تو جواب طلبی ہوتی ہے، ایسی تقریروں سے قوم جھانسے میں آئے گی نا احتساب سے جان چھوٹے گی۔

مزید پڑھیں: مودی! تم رہبر نہیں رہزن ہو، تم کشمیریوں کے قاتل ہو، بلاول بھٹو

مراد سعید نے کہا کہ بلاول بھٹو زرداری حکومتی کارکردگی پر تجزیے بعد میں کریں پہلے اپنی ٹی ٹیوں کا جواب دیں۔

واضح رہے کہ بلاول بھٹو نے اسکردو میں جلسے سے خطاب کرتے ہوئے کہا تھا کہ اقتدار میں آنے سے پہلے وعدے کرنے آسان ہیں لیکن وعدے جھوٹ پر مبنی ہوں تو نبھانے مشکل ہوتے ہیں۔

بلاول بھٹو کا کہنا تھا کہ کوئی غلط فہمی میں نہ رہے، بھٹو کا نواسہ، بی بی کا بیٹا ابھی زندہ ہے، کشمیر پر کسی نے کوئی سودا کیا تو تمہارا وہ حال ہوگا جو دنیا یاد رکھے گی، کسی صورت بھی جناح اور بھٹو کے خواب سے سودا بازی نہیں کرنے دوں گا۔

Comments

comments

یہ بھی پڑھیں