The news is by your side.

Advertisement

جعلی اکاؤنٹس سے بلاول اور ایان علی کے ٹکٹس دئیے جاتے تھے، مراد سعید کا ردعمل

اسلام آباد: وفاقی وزیر برائے مواصلات مراد سعید کا کہنا ہے کہ سرے محل، سندھ کی ترقی کا پیسہ جعلی اکاؤنٹ کی نذر ہوگیا، جعلی اکاؤنٹس سے بلاول اور ایان علی کے ٹکٹس دئیے جاتے تھے۔

اے آر وائی نیوز کی رپورٹ کے مطابق وفاقی وزیر مراد سعید نے بلاول بھٹو کی پریس کانفرنس پر ردعمل دیتے ہوئے کہا کہ جعلی اکاؤنٹس کے پیسوں سے صدقے کی بکریاں، سالگرہ کی تقریبات ہوتی ہیں، جعلی اکاؤنٹس سے متعلق ایک جے آئی ٹی ہے جو پارلیمنٹ کا حصہ ہے۔

مراد سعید نے کہا کہ اسٹیل مل 2007 سے 2008 تک منافع میں تھی زرداری دور میں خسارے میں چلی گئی، یہ لوگ تو کہتے تھے جو اسٹیل مل خریدے گا اسے پی آئی اے مفت دیں گے، انہوں نے پہلے اداروں کو تباہ کیا پھر کہتے ہیں ایک ادارہ خریدو دوسرا مفت ملے گا۔

مزید پڑھیں: مائنس ون پر پیپلزپارٹی یقین نہیں رکھتی، جمہوری طریقہ اپنائیں گے، بلاول بھٹو

وفاقی وزیر نے کہا کہ سندھ حکومت کا ایک وزیر کہتا ہے تین لاکھ لوگوں کو راشن دیا، دوسرا وزیر کچھ اور کہتا ہے، پیپلزپارٹی کہتی ہے بھوک سے کوئی نہیں مرتا جبکہ دنیا کہہ رہی ہے لوگ بھوک سے زیادہ مریں گے۔

مراد سعید نے بلاول بھٹو کو چیلنج دیتے ہوئے کہا کہ پارلیمنٹ، جلسے یا میڈیا میں جہاں دل کرے بحث کرلیں تیار ہوں، اپنی بات کرنے کے بعد نو دو گیارہ نہیں ہونا جواب بھی سن لینا۔

انہوں نے کہا کہ بلاول بھٹو نے پریس کانفرنس میں بوکھلاہٹ کا اظہار کیا، ان کے گرد گھیرا تنگ ہورہا ہے اس لیے بوکھلاہٹ نظر آرہی ہے۔

Comments

یہ بھی پڑھیں