site
stats
پاکستان

کراچی سینٹرل جیل میں دوہرے قتل کے مجرم کو پھانسی دیدی گئی

کراچی : سینٹرل جیل میں قید دوہرے قتل کے مجرم مختیار علی راجپوت کو پھانسی دے دی گئی ہے۔

آئی جی جیل خانہ جات سندھ نصرت منگن کے مطابق سزائے موت پانے والے قیدی مختارعلی راجپوت کو آج صبح ساڑھے پانچ بجے پھانسی دے دی گئی ہے۔ مختارعلی راجپوت کو قتل کا جرم ثابت ہونے کے بعد پھانسی کی سزا سنائی گئی تھی۔

مختارعلی کا تعلق پنجاب کے ضلع وہاڑی کی تحصیل میلی سے ہے۔

ذرائع کے مطابق ملزم مختیار علی راجپوت نے 2014 میں دو افراد کا قتل کیا تھا، ملزم کوسٹ گارڈ میں ملازم تھا اور اپنے ہی ڈپارٹمنٹ کے دو افراد کو قتل کیا تھا جس جرم میں ملزم کو پھانسی دی گئی ہے۔

آئی جی جیل خانہ جات کا کہنا تھا کہ ملزم کی لاش ضروری کارروائی پوری کرکے اس کے بھائی افتخار علی راجپوت کے حوالے کر دی گئی۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگر آپ کو یہ مضمون پسند آیا ہے تو اسے اپنی فیس بک وال پرشیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top