لاہور: مبشر کھوکھر کے قتل کیس میں ملزم اور ان کی والدہ کے اکاؤنٹ میں ڈھائی کروڑ کی موجودگی کا انکشاف ہوا ہے۔
اے آر وائی نیوز کے مطابق پی ٹی آئی رہنما اور صوبائی وزیر اسد کھوکھر کے بھائی مبشر کھوکھر کے قتل میں تفتیش نے نیا موڑ لے لیا ہے۔
خاندانی ذرائع کا کہنا ہے کہ پولیس نے مرکزی ملزم کی والدہ کو بھی حراست میں لے لیا، ذرائع کا یہ بھی کہنا ہے کہ ملزم کی والدہ کے بینک اکاؤنٹ میں 1 کڑور روپے کی موجودگی کا انکشاف ہوا ہے، دوسری طرف مرکزی ملزم ناظم کے بینک اکاؤنٹ میں بھی ڈیڑھ کروڑ روپے پائے گئے ہیں۔
مبشر کھوکھر قتل کیس، سیکیورٹی کے خاص انتظامات کے باوجود ملزم پنڈال کیسے پہنچا؟
خیال رہے کہ مرکزی ملزم ناظم مقتول مبشر کھوکھر کے پاس بھائی سمیت ملازم تھا، پولیس یہ جاننے کے لیے تفتیش کر رہی ہے کہ ناظم کے پاس اتنی رقم کہاں سے آئی، اس قتل کے پیچھے اصل ہاتھ کس کا ہاتھ ہے، اور کس نے اتنی رقم ملزم کو دی۔
ذرائع نے مزید بتایا کہ ملزم ناظم روزانہ کی بنیاد پر اپنا بیان بھی تبدیل کر رہا ہے۔
مبشر کھوکھر قتل، ملزمان کے ریمانڈ کے لیے شواہد ناکافی قرار
دوسری جانب پولیس ذرائع کا کہنا ہے کہ ملزم ناظم نے رقم جمع کرانے کے لیے جائیداد فروخت کرنے کا جعلی اسٹام پیپر بنوایا تھا، جسے پولیس نے برآمد کر لیا ہے، ملزم نے بینک کو ظاہر کیا تھا کہ اس نے اپنی جائیداد فروخت کی ہے۔
