سکھر : سماجی تنظیم کے رکن حسیب جونیجو کے قتل کے واقعے میں اہم پیشرفت ہوئی ہے پولیس نے آج ہی ملزم کو گرفتار کرکے مقدمہ درج کرلیا۔
تفصیلات کے مطابق سکھر کے علاقے قادر پوربند کے قریب ملنے والے شخص کی تشدد زدہ لاش کا معمہ پولیس نے حل کرلیا۔
پولیس نے قتل میں ملوث ملزم صابر کھوکھرکو10گھنٹے کے اندر گرفتار کرلیا، مقتول حسیب جونیجو کی لاش قادرپوربند کے قریب سے ملی تھی۔
لاش ملنے کے بعد ایس ایس پی سکھر سنگھار ملک نے واقعے کا فوری نوٹس لے کرپولیس کی خصوصی ٹیم تشکیل دی جس نے چند گھنٹوں بعد ہی نیوپنڈ سے قتل میں ملوث مرکزی ملزم صابر کھوکھر کو گرفتار کرلیا۔
ذرائع کے مطابق ملزم نے پولیس کے سامنے اعتراف جرم کرلیا ہے، صابرکھوکھر کے قبضے سے آلہ قتل بھی برآمد کرلیا گیا، پولیس نے مقدمہ درج کرکے مزید تفتیش کا آغاز کردیا ہے۔
Comments
- Advertisement -
