The news is by your side.

Advertisement

گلوکارہ کے قتل میں ملوث ملزم گرفتار

کراچی: وزیر داخلہ سندھ سہیل انور سیال کا کہنا ہے کہ لاڑکانہ میں گلوکارہ کے قتل میں ملوث ملزم کو گرفتار کرلیا۔ گلوکارہ ثمینہ سندھو گزشتہ روز گولی لگنے سے ہلاک ہوگئی تھیں۔

تفصیلات کے مطابق سندھ اسمبلی کے اجلاس میں صوبائی وزیر داخلہ سہیل انور سیال نے بتایا کہ لاڑکانہ میں گلوکارہ کے قتل میں ملوث ملزم کو گرفتار کرلیا ہے۔

انہوں نے کہا کہ واقعے میں کسی کی سپورٹ نہیں کی جارہی، انصاف کیا جائے گا۔ کوشش ہے کہ ایف آئی آر میں اے ٹی اے کی دفعات شامل کریں۔

وزیر داخلہ کا کہنا تھا کہ جہاں قتل ہوا اس علاقے کے ایس ایچ او کو ہٹا دیا گیا ہے۔

خیال رہے کہ مذکورہ واقعہ دو روز قبل لاڑکانہ کے گاؤں کنگا میں شادی کی تقریب کے دوران پیش آیا جہاں گلوکارہ ثمینہ سندھو اپنے فن کا مظاہرہ کر رہی تھیں۔

ابتدائی طور پر کہا گیا کہ گلوکارہ ہوائی فائرنگ سے زخمی ہوئی ہیں تاہم بعد میں سامنے آنے والی ویڈیو میں دیکھا جا سکتا ہے کہ مقتولہ کو سامنے سے گولی ماری گئی۔ فائرنگ کے بعد ملزمان جائے وقوع سے فرار ہوگئے۔

مقتولہ ثمینہ پانچ ماہ کی حاملہ بھی تھی۔

گزشتہ روز مقتولہ کے لواحقین نے ثمینہ کی لاش پریس کلب کے سامنے رکھ کر شدید احتجاج کیا تھا اور انصاف کی فراہمی کے لیے نعرے بازی کی تھی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں