The news is by your side.

Advertisement

مفرور قاتل 14 سال بعد واپسی پر پولیس کے ہاتھوں گرفتار

دبئی: متحدہ عرب امارت میں قتل اور ڈکیتی میں ملوث مفرور ملزم کو دبئی واپسی پر عمر قید کی سزا سنا دی گئی۔ ملزم ایشیائی ملک سے تعلق رکھتا تھا۔

تفصیلات کے مطابق ملزم نے 14 سال قبل سنہ 2003 میں اپنے دو ساتھیوں کے ساتھ ایک دکان کے کیشیئر پر حملہ کیا تھا۔

ملزمان نے کیشیئر سے 3 ہزار درہم اور اے ٹی ایم کارڈ چھین لیا تھا جس سے بعد ازاں انہوں نے 5 ہزار 500 درہم نکالے۔

ملزمان نے کیشیئر کو چاقو کے وار کر کے زخمی بھی کردیا تھا۔ کیشیئر بعد ازاں زخموں کی تاب نہ لاتے ہوئے چل بسا۔

واردات کے بعد ایشیائی باشندہ اپنے ملک فرار ہوگیا۔ پولیس نے سرچ آپریشن کے بعد دیگر 2 ملزمان کو گرفتار کرلیا تھا جنہیں عمر قید کی سزا دی گئی۔

تاہم اب 14 سال بعد اپنے وطن سے واپس متحدہ عرب امارات آنے کے بعد مرکزی ملزم کو بھی پولیس نے فوراً گرفتار کرلیا۔

عدالت نے ملزم کو عمر قید کی سزا سنائی ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں