کراچی : نیوز اینکر مرید عباس قتل کیس میں مقتول کی بیوہ نے اے ٹی سی کے فیصلے کے خلاف دائر درخواست واپس لے لی، وکیل کا کہنا ہے کہ عاطف زمان اور عادل زمان کے خلاف ٹرائل جلد مکمل کرانا چاہتے ہیں۔
تفصیلات کے مطابق سندھ ہائی کورٹ میں نیوز اینکر مرید عباس قتل کیس سے متعلق کیس کی سماعت ہوئی، سماعت کے دوران مقتول مرید عباس کی بیوہ نے انسداد دہشت گردی کی عدالت (اے ٹی سی) کے فیصلے کے خلاف درخواست واپس لے لی۔
سندھ ہائی کورٹ نے مدعی کیا جانب سے درخواست واپس لینے پر نمٹادی، اس موقع پر مقتول مرید عباس کی بیوہ کے وکیل نے کہا کہ کیس کا ٹرائل سیشن عدالت میں ہی چلنے دیا جائے، ملزمان عاطف زمان اور عادل زمان کے خلاف ٹرائل جلد مکمل کرانا چاہتے ہیں۔
یاد رہے کہ مقتول مرید عباس کی بیوہ نے اے ٹی سی کے فیصلے کو ہائیکورٹ میں چیلنج کیا تھا، انسداد دہشت گردی کی عدالت نے مرید عباس قتل کیس سے دہشتگردی کی دفعات ختم کی تھیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں