مری چٹہ موڑ پر سڑکیں بروقت کلیئر نہ کرنے کی وجہ سے ہزاروں سیاح پھنس گئے ہیں۔
اے آر وائی نیوز کے مطابق متاثرہ سیاح کا کہنا ہے کہ محکمہ موسمیات نے 21 سے 22 جنوری برفباری کی پیشگوئی کی تھی، خراب موسم کی پیشگوئی کے باوجود محکمہ ہائی وے والے خواب خرگوش کی نیند سو رہے ہیں۔
سیاح کا کہنا ہے کہ ٹریفک جام ہے، ہائی وے کو ہرسال کروڑوں روپے فنڈ ملتا ہے، کوئی پرسان حال نہیں ہے۔
متاثرہ سیاح کا کہنا ہے کہ انتظامیہ سے اپیل ہے کہ معاملے کو اعلیٰ سطح پر دیکھا جائے۔
یہ پڑھیں: مری میں برفباری کا گزشتہ 20 سالوں کا ریکارڈ ٹوٹ گیا
ادھر ڈپٹی کمشنر سلیم جان کا کہنا ہے کہ برف باری کا سلسلہ تھم گیا ہے تمام سڑکیں کھول دی گئی ہیں، مالم جبہ روڈ، کالام مہوڈھنڈ کا زمینی رابطہ بھی بحال ہوگیا ہے۔
انہوں نے کہا کہ مرغزار روڈ بھی کھول دیا گیا ہے، ڈی پی او محمد عمر خان کے مطابق سیاحتی علاقوں میں ٹورسٹ پولیس تعینات کردی گئی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں