The news is by your side.

Advertisement

مری میں سیاحوں کی ہلاکت افسوسناک ہے، ایم کیوایم پاکستان

مری میں ہونے والی حالیہ شدید برفباری کے بعد پھنسے والے سینکڑوں افراد میں سے کم از کم 20 سیاحوں کی ہلاکت پر پورے ملک میں غم اور افسوس کی فضا قائم ہے۔

مری جانے والے تمام راستے بند کرکے وہاں ایمرجنسی نافذ کردی گئی ہے، اس حوالے سے مختلف سیاسی، مذہبی و سماجی رہنماؤں کی جانب سے اظہار افسوس کا سلسلہ جاری ہے۔

متحدہ قومی موومنٹ پاکستان کی رابطہ کمیٹی کے اراکین نے اپنے ایک تعزیتی بیان میں کہا ہے کہ مری میں سیاحوں کی ہلاکت کا واقعہ انتہائی افسوسناک ہے۔

رابطہ کمیٹی کا کہنا ہے کہ جاں بحق افراد کےخاندان کے دکھ میں برابر کے شریک ہیں، گنجائش سے زیادہ سیاحوں کی آمد سے یہ افسوسناک صورتحال پیدا ہوئی۔

اراکین نے کہا کہ بہت زیادہ رش کی صورتحال کو دیکھتے ہوئے مقامی انتطامیہ کو لوگوں سے وہاں نہ جانے کی اپیل کی جانی چاہیے تھی تاکہ یہ صورتحال درپیش نہ ہو۔

رابطہ کمیٹی نے مزید کہا کہ انتظامیہ مری میں ریسکیو آپریشن مزید تیز کرے اور پھنسے ہوئے سیاحوں کو بحفاظت نکالنے کیلئے ہر ممکن وسائل بروئے کار لائے جائیں۔

Comments

یہ بھی پڑھیں