The news is by your side.

Advertisement

مری : تجاوزات و غیرقانونی تعمیرات خلاف کارروائی میں تیزی

مری : غیر قانونی تعمیرات تجاوزات اور پارکنگ کے بغیر ہونے والی زیر تعمیر عمارتوں کے خلاف مری میں آپریشن شروع کردیا گیا۔

اس سلسلے میں مری ایکسپریس وے، مری روڈ، بھوربن روڈ اور پتریاٹہ کے علاقوں میں آپریشن جاری ہے اور علاقے سے تجاوزات کا خاتمہ کیا جارہا ہے۔

ذرائع کے مطابق اسسٹنٹ کمشنر مری وقاص سکندری کی زیرنگرانی مری ٹی ایم اے پلاننگ کا عملہ آپریشن میں شریک ہے۔

واضح رہے کہ غیر قانونی تعمیرات اور تجاوزات کے خلاف کیا جانے والا آپریشن گزشتہ دو ماہ سے نامعلوم وجوہات کی بنا پر رکا ہوا تھا۔

ذرائع کے مطابق اے سی مری وقاص سکندری کا کہنا ہے کہ مری گلیات میں غیر قانونی تعمیرات تجاوزات کے خلاف مسلسل آپریشن جاری رکھا جائے گا، مری ٹی ایم اے میں موجود ذمہ دار افسران اور اہلکاروں کی بھی چھان بین کی جارہی ہے۔

ذرائع نے انکشاف کیا ہے کہ مری ٹی ایم اے عملے کی ملی بھگت سے ہی مذکورہ غیرقانونی تعمیرات اور تجاوزات قائم ہوئی ہیں۔

Comments

یہ بھی پڑھیں