The news is by your side.

Advertisement

گرفتاریوں کی پیشگوئی ثابت کرتی ہے پیچھے پی ٹی آئی ہے، مرتضیٰ وہاب

عوام دشمن بجٹ کو ہم پارلیمان سے پاس نہیں ہونےدیں گے

کراچی: مشیر اطلاعات سندھ مرتضیٰ وہاب نے کہا گرفتاریوں کی پیشگوئی ثابت کرتی ہےپیچھےپی ٹی آئی ہے، عوام دشمن بجٹ کو ہم پارلیمان سے پاس نہیں ہونےدیں گے۔

تفصیلات کے مطابق مشیر اطلاعات سندھ مرتضیٰ وہاب نے میڈیا سے گفتگو میں بجٹ پر ردعمل دیتے ہوئے کہا کل پی ٹی آئی نےتاریخ کا عوام دشمن بجٹ پیش کیا، خان صاحب کی پریس کانفرنس کاجواب میں دوں گا، جس چیز کا تعلق بھی عوام سے ہے، اس کی قیمت میں اضافہ ہوا۔

مرتضیٰ وہاب کا کہنا تھا ماضی میں خان صاحب بڑی باتیں کرتےتھے، ماضی میں ماہانہ1 لاکھ روپے کمانے والے پر ٹیکس لگتا تھا، اب ماہانہ 50 ہزار کمانے والے پر ٹیکس لگا دیاگیا ہے، موجودہ حکومت کا بجٹ ہر طرح سے عوام دشمن ہے۔

موجودہ حکومت کا بجٹ ہرطرح سےعوام دشمن ہے

مشیر اطلاعات سندھ نے کہا خان صاحب کی دھمکی سے اپوزیشن پیچھےنہیں ہٹی، خان صاحب نے بار بار کہا این آراو کسی کونہیں دوں گا، جنہوں نے مشرف سے این آراو لیا وہ کہہ رہے ہیں نہیں دیں گے، ہمیں کوئی این آر او نہیں چاہیے۔

ان کا کہنا تھا نان ٹیکس فائلرکوچھوٹ دی کیایہ این آر اونہیں؟ پی ٹی آئی کس کواین آراو دینے کی کوشش کررہی ہے، وزیراعظم نے کہا کمیشن بنا رہا ہوں جسے خود مانیٹر کروں گا، 10 سال کیساتھ پی ٹی آئی کے 10 ماہ کی بھی جانچ ہوگی؟ نیک نیت ہیں تو کیوں نا اس کمیشن کا آغاز 1999 سے کریں۔

مرتضیٰ وہاب نے کہا وزیراعظم کو پارلیمان کےتقدس کاخیال رکھناچاہیے، عوام ہمارے لئے نہیں اپنے لئے باہرنکلیں گے، اعلان کیا تھا عید کے بعد عوامی مہم چلائیں گے، کپتان کہتے تھے میں کنٹینرفراہم کروں گا، جب ہمارے ورکرز ڈی چوک پر پہنچے تو واٹر کینن لایاگیا، آصف زرداری کی گرفتاری کا اس سے کوئی لینا دینا نہیں۔

آصف زرداری پی پی نہیں ریاست پاکستان کےلیڈرہیں

مشیر اطلاعات سندھ کا کہنا تھا عوام دشمن بجٹ کو ہم پارلیمان سے پاس نہیں ہونےدیں گے، وزیراعظم اورکابینہ پریشان نظرآرہی ہے، کراچی کے 3 اسپتالوں کیلئےایک نوٹیفکیشن نکالاگیاتھا، تینوں اسپتالوں میں آج تک ایک پیسہ نہیں دیاگیا

انھوں نے مزید کہا گرفتاریوں کی پیشگوئی ثابت کرتی ہےپیچھےپی ٹی آئی ہے، آصف زرداری پی پی نہیں ریاست پاکستان کےلیڈرہیں، بلاول بھٹونےجیالوں کو پرامن رہنے کی ہدایت کی ہے۔

Comments

comments

یہ بھی پڑھیں