اسلام آباد : سندھ حکومت کے ترجمان مرتضیٰ وہاب کا کہنا ہے کہ ہم چاہتےہیں مزید 2 ہفتے کا مکمل لاک ڈاؤن کیا جائے ، وزیراعلیٰ نے صاف کہا وزیراعظم جوبھی فیصلہ کریں گے، اس پر عملدرآمد کریں گے۔
تفصیلات کے مطابق سندھ حکومت کے ترجمان مرتضیٰ وہاب نے اے آر وائی نیوز کے پروگرام آف دی ریکارڈ میں گفتگو کرتے ہوئے کہا کہ لاک ڈاؤن کا مقصد سامان پہنچانا نہیں کورونا وبا کو پھیلنےسے روکنا تھا، سندھ حکومت نےلاک ڈاؤن کیاتواس کوپورےملک نےفالوکیا، آج پنجاب حکومت بھی کہتی ہے، لاک ڈاؤن کومزیدآگےبڑھاناچاہیے۔
مرتضیٰ وہاب کا کہنا تھا کہ ہماراہیلتھ سسٹم مریضوں کی بڑی تعدادکوسنبھالنےسےقاصرہے، وزیراعلیٰ سندھ نے وزیراعظم کو کہا فیصلہ کریں ہم فالو کریں گے ، اب وزیراعظم کے فیصلے کا انتظار ہے۔
سندھ حکومت کے ترجمان نے کہا کہ وزیراعلیٰ کی گفتگو کے بعد فردوس عاشق اور شہبازگل کو بھی دیکھ لیں، یہ وقت ایک دوسرے پر الزامات یا سیاست کا نہیں ہے، وزیراعلیٰ صاف کہہ رہےہیں ، وزیراعظم جو بھی فیصلہ کریں گے، اس پر عملدرآمد کریں گے۔
ان کا کہنا تھا کہ ہم چاہتے ہیں مزید2ہفتے کا مکمل لاک ڈاؤن کیا جائے، یہ وقت ایک دوسرے سے متعلق بیان بازی کا نہیں ہے، موجودہ حالات میں سیاست دانوں کی رہنمائی کرنی چاہیے تھی۔
مرتضیٰ وہاب نے مزید کہا کہ فیصل واوڈا کل کراچی میں نمودارہوئے اور سندھ حکومت پرالزامات لگائے، سعیدغنی نے فیصل واوڈا کے الزامات کا جواب دیا، دونوں جانب سے ایسا نہیں ہوناچاہیے تھا کیونکہ یہ وقت سیاست کا نہیں، بلاول بھٹو پہلے دن سےکہہ رہےہیں ہم وفاق کیساتھ کھڑے ہیں۔
